എം-സോണ്‍ റിലീസ് – 1083
| ഭാഷ | ഹിന്ദി |
| സംവിധാനം | Sujoy Ghosh |
| പരിഭാഷ | ലിജോ ജോളി |
| ജോണർ | ക്രൈം, ഡ്രാമ, മിസ്റ്ററി |
2017 ൽ പുറത്തിറങ്ങിയ ദ ഇൻവിസിബിൾ ഗസ്റ്റ് എന്ന സ്പാനിഷ് ചിത്രത്തിന്റെ റീമേക്കാണ് ഈ ചിത്രം. അമിതാഭ് ബച്ചൻ, തപ്സി പന്നു, അമൃത സിംഗ് എന്നിവർ മുഖ്യ വേഷത്തിൽ അഭിനയിച്ചിരിക്കുന്ന ഈ ഹിന്ദി മിസ്ട്രി ത്രില്ലറിന്റെ സംവിധാനം സുജോയ് ഘോഷ് നിർവ്വഹിച്ചിരിക്കുന്നു. കാമുകനെ കൊന്നു എന്ന കുറ്റത്തിന് പോലീസിന്റെ സംശയ നിഴലിൽ ഉള്ള നൈന സേത്തി എന്ന യുവ ബിസിനസ്സ്കാരിയുടെയും അവരുടെ കേസ് വാദിക്കാൻ നിയോഗിതനായ ബാദൽ ഗുപ്ത എന്ന സീനിയർ വക്കിലിന്റെയും കഥാപാത്രങ്ങളിലൂടെയാണ് ബദ്ല പുരോഗമിക്കുന്നത്. തുടക്കം മുതൽ ഒടുക്കം വരെ ട്വിസ്റ്റുകളാൽ സമ്പന്നമായ ഫ്രഞ്ച് ചിത്രം ഹിന്ദിയിലേക്ക് പറിച്ചു നട്ടപ്പോൾ മൂലകഥയിൽ, ഇന്ത്യൻ സാഹചര്യത്തിന് യോജിക്കുന്ന വിധം ചില മാറ്റങ്ങൾ നടത്താൻ സംവിധായകൻ ശ്രമിച്ചിട്ടുണ്ട്. 10 കോടി മുടക്ക് മുതലിൽ നിർമ്മിച്ച്, 138 കോടി രൂപയോളം കളക്റ്റ് ചെയ്യാൻ ചിത്രത്തിനായിട്ടുണ്ട്.