എംസോൺ റിലീസ് – 3221
| ഭാഷ | ഇംഗ്ലീഷ് |
| സംവിധാനം | Clint Eastwood |
| പരിഭാഷ | വിഷ്ണു എം കൃഷ്ണന്‍ |
| ജോണർ | ഡ്രാമ |
നിരവധി പുരസ്കാരങ്ങളും നിരൂപകപ്രശംസയും നേടിയ ‘അൺഫൊർഗിവൺ (1992)’ പുറത്തിറങ്ങി 29 വർഷങ്ങൾക്കുശേഷം, ക്ലിന്റ് ഈസ്റ്റ്‌വുഡ് വീണ്ടും കൗബോയ് വേഷമണിയുന്ന ചലച്ചിത്രമാണ് ‘ക്രൈ മാച്ചോ’. മൈക്ക് മൈലോ എന്ന പഴയകാല റോഡിയോ താരത്തിന്റെ ജീവിതത്തിലെ ഏതാനും ഏടുകളാണ്, റിച്ചാർഡ് നാഷിന്റെ പുസ്തകത്തെ ആസ്പദമാക്കിയുള്ള ഈ നിയോ-വെസ്റ്റേൺ ചിത്രത്തിന്റെ ഇതിവൃത്തം.
തന്റെ മുതലാളിയുടെ നിർദ്ദേശപ്രകാരം, മെക്സിക്കോസിറ്റിയിൽ നിശാപാർട്ടിയും മദ്യപാനവുമൊക്കെയായി കഴിയുന്ന മുൻഭാര്യയുടെ അടുത്തുനിന്നും മകനെ ടെക്സസ്സിലേക്ക് കൊണ്ടുവരാനുള്ള ദൗത്യവുമായി പോകുകയാണ് മൈക്ക്. തുടർന്ന്, ആ യാത്രയിൽ അയാൾക്കു നേരിടേണ്ടിവരുന്ന പ്രതിസന്ധികളും സംഭവവികാസങ്ങളും അടങ്ങിയ സിനിമയെ ഒരു റോഡ് മൂവീ ആയും വിലയിരുത്താം.
കയ്പേറിയ ജീവിതാനുഭവങ്ങളുടെ ഓർമ്മകളും തിരിച്ചറിവുകളും ആ പ്രയാണത്തിലുടനീളം പ്രതിഫലിക്കുന്നു.