എംസോൺ റിലീസ് – 3256
| ഭാഷ | സ്പാനിഷ് |
| സംവിധാനം | Ernesto Contreras |
| പരിഭാഷ | രമേഷ് എ ആര്‍ |
| ജോണർ | കോമഡി, ഡ്രാമ, ഫാമിലി |
ജാവിർ പെനലോസ രചന നിർവഹിച്ച്, എർണസ്റ്റോ കോൺട്രിറാസിന്റെ സംവിധാനത്തിൽ, 2023-ൽ പുറത്തിറങ്ങിയ മനോഹരമായ ഒരു സ്പാനിഷ് ചലച്ചിത്രമാണ്, വേർ ദ ട്രാക്ക്സ് എൻഡ്.
ഇകൽ എന്ന ബാലനും അവന്റെ കുടുംബവും, അച്ഛന്റെ ജോലിയുമായി ബന്ധപ്പെട്ട് മെക്സിക്കോയിലെ ഒരു ഉൾ ഗ്രാമത്തിൽ എത്തുന്നതും, പിന്നീട് ഇകലിന്റ ജീവിതത്തിൽ സംഭവിക്കുന്നതുമായുള്ള കാര്യങ്ങളാണ് ഈ ചിത്രത്തിൽ കാണിക്കുന്നത്. കൂട്ടുകാരും, ടീച്ചറും, വിദ്യാഭ്യാസത്തിന്റെ ആവശ്യകതയും, പ്രകൃതിയും എല്ലാം കോർത്തിണക്കിയ ഒരു മനോഹര ദൃശ്യാവിഷ്കാരമാണ് ഈ ചിത്രം. ഗ്രാമത്തിന്റെ പ്രകൃതി ഭംഗി ഈ ചിത്രത്തിലുടനീളം കാണാം. അൽപം നൊമ്പരവും, ചെറിയൊരു സസ്പെൻസും, പിന്നീടൊരു പുഞ്ചിരിയും സമ്മാനിച്ചുകൊണ്ടായിരിക്കും ഈ ചിത്രം അവസാനിക്കുക.