എംസോൺ റിലീസ് – 3330
| ഭാഷ | ഇംഗ്ലീഷ് |
| സംവിധാനം | Juan Carlos Fresnadillo |
| പരിഭാഷ | ഗിരി പി. എസ്. |
| ജോണർ | ആക്ഷൻ, അഡ്വഞ്ചർ, ഫാന്റസി |
മില്ലി ബോബി ബ്രൗണിനെ നായികയാക്കി ജുവാൻ കാർലോസിന്റെ സംവിധാനത്തിൽ 2024-യിൽ നെറ്റ്ഫ്ലിക്സിലൂടെ പുറത്തിറങ്ങിയ അഡ്വഞ്ചർ-ഫാന്റസി ചിത്രമാണ് ഡാംസെൽ.
ദാരിദ്രത്തിന്റെ അത്യുച്ചത്തിൽ നിൽക്കുന്ന ഒരു രാജ്യത്തിന്റെ രാജകുമാരിയാണ് കഥയിലെ നായികയായ എലോഡി. രാജാവായ അച്ഛനും അനിയത്തിയും രണ്ടാനമ്മയും ഉൾപ്പെടുന്ന കുടുംബമാണ് എലോഡിയുടേത്. രാജ്യത്തെ അഭിവൃദ്ധിയിലേക്ക് കൊണ്ടുവരാൻ മറ്റൊരു മാർഗ്ഗവും കാണാതെ രാജാവ് തന്റെ മകളെ മറ്റൊരു രാജ്യത്തെ രാജകുമാരന് വിവാഹം ചെയ്തു കൊടുക്കുന്നു, സുഖസൗകര്യങ്ങളും മറ്റും പ്രതീക്ഷിച്ചു ആ രാജ്യത്തേക്ക് എത്തിയ നായികയും കുടുംബവും അവിടെ നേരിടേണ്ടി വരുന്നത് തീ-തുപ്പുന്ന ഒരു വ്യാളിയേയും അതിലും അപകടകാരികളായ മനുഷ്യരെയുമാണ്. ഒരു കെട്ടുകഥ പോലെ കണ്ടിരിക്കാവുന്ന ഫാന്റസി ചിത്രമാണ് ഡാംസെൽ.