എം-സോണ്‍ റിലീസ് – 371
| ഭാഷ | ഇംഗ്ലീഷ് |
| സംവിധാനം | Mark Osborne, John Stevenson |
| പരിഭാഷ | നൗഫല്‍ അഹമ്മദ് ഉണ്ണി |
| ജോണർ | ആനിമേഷന്‍, ആക്ഷൻ, അഡ്വെഞ്ചർ |
2008 ൽ പുറത്തിറങ്ങിയ ഒരു അമേരിക്കൻ കമ്പ്യൂട്ടർ ആനിമേഷൻ ചിത്രമാണു കുങ്ഫു പാണ്ട .സംഘട്ടന-ഹാസ്യ രംഗങ്ങൾക്കു പ്രാധാന്യം നൽകിയിരിക്കുന്ന ഈ ചിത്രം. ജോൺ വേയ്ൻ സ്റ്റീവെൻസണും മാർക്ക് ഓസ്ബോർണും ചേർന്നു സംവിധാനം ചെയ്തിരിക്കുന്നു ജാക്ക് ബ്ലാക്ക് , ആഞ്ജലീന ജോളി , ജാക്കി ചാൻ, ഡസ്റ്റിൻ ഹോഫ്മാൻ, ഇയാൻ മക് ഷേൻ തുടങ്ങിയ പ്രമുഖ അഭിനേതാക്കളാണു ചിത്രത്തിലെ കഥാപാത്രങ്ങൾക്ക് ശബ്ദം നൽകിയിരിക്കുന്നത്.പുരാതന ചൈനയുടെ പശ്ചാത്തലത്തിൽ മനുഷ്യസ്വഭാവികളായ സംസാരിക്കുന്ന മൃഗങ്ങളെ കഥാപാത്രങ്ങളാക്കിയാണു ചിത്രം നിർമ്മിച്ചിരിക്കുന്നതു. മൈക്കിൾ ലാചാൻസ് ആണ് ചിത്രത്തിനുള്ള ആശയം നൽകിയത്. ഡ്രീംവർക്സ് അത് വരെ ചെയ്തതിൽ വച്ച് ഏറ്റവും സങ്കീർണമായ അനിമേഷൻ ആണ് ഈ ചിത്രത്തിൽ ഉള്ളത്. ഹാൻസ് സിമ്മെർ ആണ് ചിത്രത്തിന് സംഗീതം നൽകിയത്. അദ്ദേഹം അതിന്റെ മുന്നോടിയായി ചൈന സന്ദർശിച്ചു അവിടെത്തെ സംസ്കാരത്തെപറ്റി കൂടുതൽ അടുത്തറിഞ്ഞു. മെയ് 26, 2011 -ന് ചിത്രത്തിന്റെ രണ്ടാം ഭാഗമായ കുങ്ഫു പാണ്ട 2 പുറത്തിറങ്ങി. ജനുവരി 2016 -ൽ മൂന്നാം ഭാഗമായ കുങ്ഫു പാണ്ട 3 യും റിലീസ് ചെയ്തു.(കടപ്പാട്: വിക്കി).