ഞങ്ങളെക്കുറിച്ച്

എംസോണിന്റ ജനനം : വിദേശ സിനിമകൾക്ക് പരിഭാഷകളൊരുക്കുന്നതിനുവേണ്ടി 2012 ഒക്ടോബർ 28ന് തുടങ്ങിയ കൂട്ടായ്മയാണ് എംസോൺ. Malayalam Subtitles For Everyone എന്നാണ് എംസോണിന്റെ പൂർണ രൂപം. അതായത് ലോക സിനിമകൾ ആസ്വദിക്കാൻ ഭാഷ ഒരു തടസ്സമായി നിൽക്കുന്ന, സിനിമയെ സ്നേഹിക്കുന്ന ഏതൊരു മലയാളിക്കും സൗജന്യമായി എംസോൺ പരിഭാഷകൾ ഡൗൺലോഡ് ചെയ്ത് ഉപയോഗിക്കാം. ആദ്യകാലങ്ങളിൽ വിദേശ ക്ലാസിക് സിനിമകൾക്ക് മാത്രം പരിഭാഷകൾ ലഭ്യമാക്കിയിരുന്ന ഞങ്ങൾ, വർദ്ധിച്ച ജനപങ്കാളിത്തവും പ്രേക്ഷകരുടെ ആവശ്യങ്ങളും മാനിച്ച്, ഇന്ത്യൻ ഇതരഭാഷകൾക്കും പരിഭാഷകൾ ലഭ്യമാക്കിവരുന്നു. അതിപ്പോൾ തമിഴ് സിനിമകളുടെ വരെ പരിഭാഷകളിൽ എത്തിനിൽക്കുന്നു. ഒരുകൂട്ടം മലയാളിപ്രേക്ഷകരുടെ സിനിമാ അഭിരുചികൾ മാറ്റിയെടുക്കാൻ കഴിഞ്ഞു എന്നത് ഒരു വ്യാഴവട്ടക്കാലം പിന്നിടുന്ന എംസോണിന് ഏറെ സന്തോഷം തരുന്ന കാര്യമാണ്. ലാഭേച്ഛയില്ലാതെ നല്ല സിനിമകളോടുള്ള സ്നേഹം കൊണ്ട് മാത്രം വളർന്നുവന്ന ഒരു കൂട്ടായ്മയാണ് എംസോൺ. ഒന്നരലക്ഷത്തിൽപ്പരം പേരടങ്ങുന്ന ഫേസ്ബുക്ക് ഗ്രൂപ്പും, സൈറ്റിലൂടെയും അല്ലാതെയും എംസോണിനോടൊപ്പം സിനിമ ആസ്വദിക്കുന്ന പതിനായിരങ്ങളുമാണ് ഞങ്ങളുടെ ശക്തി. എംസോൺ പരിഭാഷകളുപയോഗിച്ച് വിവിധ ഫിലിംസൊസൈറ്റികൾ, കേരളത്തിലങ്ങോളമിങ്ങോളം മികച്ച ലോക സിനിമകളുടെ പ്രദർശനങ്ങൾ സംഘടിപ്പിക്കുകയും എംസോൺ പരിഭാഷകൾ പ്രചരിപ്പിക്കുകയും ചെയ്യുന്നുണ്ട്. ഭാഷയുടെ അതിർവരമ്പുകളില്ലാതെ സമൂഹത്തിലെ എല്ലാ തലങ്ങളിലുമുള്ളവരിലേക്ക് സിനിമ എത്താൻ ഇത് സഹായകരമാകുന്നു. അതിന്റെ ഭാഗമാകാൻ കഴിയുന്നതിലും ഞങ്ങൾക്ക് ചാരിതാർത്ഥ്യമുണ്ട്.

എംസോണിന്റെ മൂലധനം : എംസോൺ പരിഭാഷകർക്കോ പോസ്റ്റർ ഡിസൈൻ ചെയ്യുന്നവർക്കോ യാതൊരുവിധ പ്രതിഫലവും കൊടുക്കുകയോ വാങ്ങുകയോ ചെയ്യുന്നില്ല. പൂർണമായും സൗജന്യമായ സേവനമാണിത്, ലോകസിനിമയോടുള്ള അടങ്ങാത്ത അഭിനിവേശമുള്ള ഒരു കൂട്ടം ആൾക്കാരുടെ നല്ല മനസ്സ്കൊണ്ട് മാത്രമാണ് ഇത് മുന്നോട്ട് പോകുന്നത്. മത്രമല്ല എംസോൺ, സിനിമകളുടെ യാതൊരുവിധത്തിലുള്ള ഫയലുകളും പങ്കുവെക്കുകയോ പ്രചരിപ്പിക്കുകയോ ചെയ്യുന്നില്ല. പരിഭാഷകളുടെ srt ഫയൽ മാത്രമാണ് ലഭ്യമാക്കുക. ഏതെങ്കിലും തരത്തിൽ എംസോണിനെ സാമ്പത്തികമായി സഹായിക്കാൻ താൽപര്യമുള്ളവർക്ക് എംസോൺ അക്കൗണ്ടിലേയ്ക്ക് നേരിട്ട് സംഭാവനകൾ നൽകാം. വെബ്സൈറ്റിന്റെ നടത്തിപ്പിന് പണം ആവശ്യമാണല്ലോ.

എംസോണിന്റെ രാഷ്ട്രീയം : എംസോണിന് കൃത്യമായ രാഷ്ട്രീയം അത് ഉണ്ടായനാൾ മുതലേയുണ്ട്. ഞങ്ങളുടെ ആയിരാമത് പരിഭാഷ, ജബ്ബാർ പട്ടേൽ സംവിധാനം ചെയ്ത- Dr. Babasaheb Ambedkar ആണ്. അതുതന്നെയാണ് എംസോണിന്റെ രാഷ്ട്രീയവും. മാനുഷിക മൂല്യങ്ങൾ ഉയർത്തിപ്പിടിച്ചുകൊണ്ട് തുല്യതയ്ക്ക് വേണ്ടിയാണ് എംസോൺ നിലകൊള്ളുക. ന്യൂനപക്ഷ വർഗ്ഗീയതയോ, ഭൂരിപക്ഷ വർഗ്ഗീയതയോ യാതൊരു തരത്തിലും എംസോൺ പിന്തുണയ്ക്കില്ല. റിലീസ് ചെയ്യുന്ന പരിഭാഷകൾക്കായുള് സിനിമകൾ തെരഞ്ഞെടുക്കുന്നതിലും ഈ സൂഷ്മത എംസോൺ എക്കാലവും നിലനിർത്തും.

The birth of Msone : Msone is a group that began its journey on October 28, 2012, with the mission of creating subtitles for foreign language films. The name “Msone” stands for “Malayalam Subtitles for Everyone.”  This initiative empowers cinema enthusiasts who encounter language barriers to fully immerse themselves in films by easily downloading and utilizing subtitles from Msone. We started by offering subtitles for classic English films, and as our popularity grew, we gradually expanded to include subtitles for Indian language films beyond Malayalam. Today, we are proud to provide subtitles for Tamil films as well. As Msone celebrates over 12 years of its journey, we take pride in having shaped the cinematic experiences of Malayali movie loversWe grew out of our love for cinema, without expecting any material rewards from the services we provide. Our strength lies in our Facebook group, which boasts over 1,50,000 members, along with tens of thousands of others who enjoy films with Msone subtitles sourced from our website and various platforms. Film societies across Kerala use subtitles from Msone for film screenings and popularise our group. This enables us to reach all strata of society, eliminating language as a barrier to enjoying cinema. We are proud to be a part of this endeavor.

Our capital : Msone’s translators and poster designers do not receive any remuneration for their contributions; their work is purely voluntary. This unpaid service thrives thanks to the passion of dedicated cinema lovers. It is also important to note that, Msone doesn’t share files of cinemas in any form. We provide only srt files of subtitles. If anyone of you is willing to help Msone, you can directly transfer money to Msone account.  Money is required for the maintenance of website.

Our Politics : From the very beginning, Msone has embraced a strong political stance. Our 1000th subtitle was for the film Dr. Babasaheb Ambedkar, directed by Jabbar Patel, which reflects our values. Msone stands for equality and upholds humanitarian principles, rejecting communalism from both minorities and majorities in any form. We remain committed to these principles as we release subtitles for films.

എംസോണിനേപ്പറ്റി വിവിധ മാധ്യമങ്ങളിൽ വന്ന വാർത്തകളും ലേഘനങ്ങളും.