എം-സോണ്‍ റിലീസ് – 1827
| ഭാഷ | ഇംഗ്ലീഷ് |
| സംവിധാനം | Robert Zemeckis |
| പരിഭാഷ | മുഹമ്മദ് റോഷൻ |
| ജോണർ | ഡ്രാമ, മിസ്റ്ററി, സയൻസ് ഫിക്ഷൻ |
കാൾ സാഗന്റെ പ്രശസ്ത സയൻസ് ഫിക്ഷൻ നോവലായ കോൺടാക്ടിന്റെ ചലച്ചിത്രാവിഷ്കാരമാണ് 1997 ഇൽ പുറത്തിറങ്ങിയ കോണ്ടാക്ട്. അന്യഗ്രഹജീവികൾക്കായുള്ള അന്വേഷണം നടത്തിക്കൊണ്ടിരിക്കുന്ന എല്ലി എന്ന ശാസ്ത്രജ്ഞ, ബഹിരാകാശത്ത് നിന്നും ലഭിക്കുന്ന ഒരു സന്ദേശത്തിന്റെ അർത്ഥം മനസ്സിലാക്കാൻ ശ്രമിക്കുന്നതും ഈ സന്ദേശം ദേശീയസുരക്ഷക്കും മതവിശ്വാസങ്ങൾക്കും ഉണ്ടാക്കുന്ന പ്രശ്നങ്ങളുമാണ് ചിത്രത്തിന്റെ ഇതിവൃത്തം.
ബാക്ക് ടു ദ ഫ്യൂച്ചർ, ഫോറസ്റ്റ് ഗമ്പ് തുടങ്ങിയ ചിത്രങ്ങളുടെ സംവിധായകനായ റോബർട് സെമക്കിസ് ആണ് ഈ സയൻസ് ഫിക്ഷൻ ചിത്രവും സംവിധാനം ചെയ്തിരിക്കുന്നത്. ഓസ്‌കാർ ജേതാവായ ജോഡി ഫോസ്റ്റർ നായികയായി അഭിനയിച്ച ഈ ചിത്രം പ്രേക്ഷകപ്രീതിയും നിരൂപക പ്രംസംശയും ആവോളം നേടുകയുണ്ടായി.