എം-സോണ്‍ റിലീസ് – 946
| ഭാഷ | ഇംഗ്ലീഷ് |
| സംവിധാനം | James Mangold |
| പരിഭാഷ | ഗിരി പി. എസ്. |
| ജോണർ | ആക്ഷൻ, ഡ്രാമ, സയൻസ് ഫിക്ഷൻ |
മാർവൽ കോമിക്കിനെ ആസ്പദമാക്കി പുറത്തിറങ്ങിയ എക്സ്-മെൻ സിനിമ സീരീസിലെ നായക കഥാപാത്രമായ ലോഗനെന്ന കഥാപാത്രത്തെ ആസ്പദമാക്കി ജെയിംസ് മംഗോൾഡ്ഡ് സംവിധാനം ചെയ്തു 2017-ൽ പുറത്തിറങ്ങിയ ചിത്രമാണ്, “ലോഗൻ“.
ബാക്കിയുള്ള എക്സ്-മെൻ ചിത്രങ്ങളിൽ നിന്ന് വിഭിന്നമായി ഈ ചിത്രത്തിൽ കഥ നടക്കുന്നത് 2029-ലാണ്. ജനിതകമാറ്റം വരുത്തിയത് മൂലം മ്യൂട്ടന്റുകളുടെ ജനസംഖ്യ ഗണ്യമായി കുറയുകയും, എക്സ്-മെൻ പിരിച്ചുവിടുകയും ചെയ്തു. പ്രായവും ശരീരത്തിലെ അഡമാൻ്റിയവും കാരണം ഹീലിങ് പവർ കുറഞ്ഞുവരുന്ന ലോഗൻ, മദ്യത്തിനും മറ്റും കീഴടങ്ങി സാധാരണ ഒരു ഡ്രൈവർ ജോലി ചെയ്യുകയാണ്. ഒരു ദിവസം, ലോറ എന്ന പെൺകുട്ടിയെ കനേഡിയൻ ബോർഡറിലേക്ക് എത്തിക്കാൻ ഒരു അപരിചിതയായ സ്ത്രീ ലോഗനോട് ആവശ്യപ്പെടുന്നു. ആദ്യം അദ്ദേഹം വിസമ്മതിക്കുകയും കൂടുതൽ പണം വാഗ്ദാനം ചെയ്യുകയും ചെയ്തപ്പോൾ അദ്ദേഹം സമ്മതിക്കുകയും ചെയ്യുന്നു. പിന്നീട് ഉണ്ടാകുന്ന സംഭവങ്ങളാണ് ലോഗനെന്ന ചിത്രം കൈകാര്യം ചെയ്യുന്നത്.