എം-സോണ്‍ റിലീസ് – 1514
| ഭാഷ | ഇംഗ്ലീഷ് |
| സംവിധാനം | Jason Momoa |
| പരിഭാഷ | മുസ്ഫർ. എം. കെ |
| ജോണർ | ഡ്രാമ, ത്രില്ലർ |
അമ്മയുടെ ചിതാഭസ്മത്തിനായി മൈലുകൾക്കപ്പുറത്തുള്ള സഹോദരിയുടെ വീട്ടിലേക്ക് മോട്ടോർസൈക്കിളിൽ നീണ്ട ഒരു യാത്ര ചെയ്യുന്ന വോൾഫിന്റെ കഥയാണ് ഈ ചിത്രം പറയുന്നത്. തന്റെ അമ്മ ക്രൂരമായ പീഡനത്തിനിരയായി കൊല്ലപ്പെടുകയായിരുന്നു. കോടതി വെറുതെ വിട്ട അമ്മയുടെ ഘാതകനെ വോൾഫ് കൊലപ്പെടുത്തുന്നു. തന്റെ പിറകെ കൂടിയ പോലീസുകാരിൽ നിന്നുള്ള ഒരു ഒളിച്ചോട്ടം കൂടിയായിരുന്നു വോൾഫിന് ഈ യാത്ര. യാദൃച്ഛികമായി ക്യാഷ് എന്ന യാത്രികനും വോൾഫിനൊപ്പം ചേരുന്നു. ഈ യാത്രക്കിടയിൽ അവർക്കിടയിൽ സംഭവിക്കുന്ന കാര്യങ്ങളും, അവർ കണ്ടുമുട്ടുന്നവരുമായുള്ള നിമിഷങ്ങളുമൊക്കെയാണ് ഈ ചിത്രത്തെ രസകരമാക്കുന്നത്.
വെസ്റ്റേൺ അമേരിക്കയുടെ മനോഹരമായ ഭൂപ്രകൃതിയും മോട്ടോർസൈക്കിളും ഒരേ ഫ്രെയിമിൽ വരുമ്പോൾ നല്ലൊരു കാഴ്ച്ചയാണ് പ്രേക്ഷകന് ലഭിക്കുന്നത്. വിജനമായ പാതയിൽ അവരുടെ ഇരുചക്രങ്ങൾ പൊടി പറത്തിപ്പാഞ്ഞു. സൗഹൃദവും കുടുംബബന്ധവും സെന്റിമെൻസും എല്ലാം അടങ്ങിയ ഈ ഫീൽഗുഡ് മൂവി നമുക്ക് നൽകുന്നത് നല്ലൊരു അനുഭവമാണ്. പോലീസ് വോൾഫിനെ വിടാതെ പിന്തുടരുമ്പോൾ ഇതൊരു മൗസ് ആൻ ക്യാറ്റ് തലത്തിലേക്കും പോവുന്നു. മികച്ച ഗാനങ്ങളും, നല്ല പശ്ചാത്തലസംഗീതവും ഈ ചിത്രത്തെ കൂടുതൽ മികവുറ്റതാക്കുന്നു.
പ്രശസ്ത നടൻ ജേസൺ മാമോവ നായകനായി അഭിനയിച്ച ഈ സിനിമ സംവിധാനം ചെയ്തതും അദ്ദേഹം തന്നെയാണ്.