എംസോൺ റിലീസ് – 2910
| ഭാഷ | ഇംഗ്ലീഷ് |
| സംവിധാനം | Jeymes Samuel |
| പരിഭാഷ | പ്രജുൽ പി |
| ജോണർ | ആക്ഷൻ, ടഡ്രാമ, വെസ്റ്റേൺ |
ജെയിംസ്‌ സാമുവലിന്റെ സംവിധാനത്തിൽ 2021-ൽ റിലീസ് ചെയ്ത റിവിഷനിസ്റ്റ് വെസ്റ്റേൺ സിനിമയാണ് ‘ദ ഹാർഡർ ദേ ഫാൾ‘. സാങ്കൽപ്പിക കഥയാണെങ്കിലും പത്തൊമ്പതാം നൂറ്റാണ്ടിലെ വെസ്റ്റ് അമേരിക്കയിലെ കൗബോയികളുടേയും, നിയമപാലകരുടേയും, കുറ്റവാളികളുടേയും ജീവിതത്തെ ആസ്പദമാക്കിയാണ് ഈ ചിത്രം നിർമിച്ചിരിക്കുന്നത്. ആഫ്രിക്കൻ-അമേരിക്കൻ വംശജർ പ്രധാന കഥാപാത്രങ്ങളായി വരുന്ന അപൂർവ്വം വെസ്റ്റേൺ സിനിമകളിലൊന്നാണിത്.
തന്റെ അച്ഛനമ്മമാരെ കൊന്ന റൂഫസ് ബക്ക് എന്ന കുറ്റവാളിയെ തേടിയിറങ്ങുന്ന നാറ്റ് ലവ് എന്ന മോഷ്ടാവിൻ്റെ കഥയാണ് ഈ ചിത്രം പറയുന്നത്. ജോണതൻ മേജഴ്സാണ് നാറ്റ് ലവായി അഭിനയിച്ചിരിക്കുന്നത്. അതോടൊപ്പം എഡ്രിസ് അൽബ, സാസി ബീറ്റ്സ്, റെജിന കിങ്ങ് തുടങ്ങി ഹോളിവുഡിലെ മികച്ച താരനിരയും ഈ ചിത്രത്തിൽ അണിനിരക്കുന്നു. മികച്ച സംഗീതത്താൽ സമ്പന്നമായ ഈ ചിത്രത്തിൽ പത്തൊമ്പതാം നൂറ്റാണ്ടിലെ വെസ്റ്റ് അമേരിക്ക അതി മനോഹരമായി പുനഃസൃഷ്ടിച്ചിരിക്കുന്നു.