X-Men 2
എക്സ്-മെൻ 2 (2003)

X-Men സീരീസിലെ രണ്ടാമത്തെയും കൂട്ടത്തിൽ ഏറ്റവും കൂടുതൽ നിരൂപക/ആരാധക പ്രശംസ നേടിയ ചിത്രങ്ങളിൽ ഒന്നുമായ X-Men 2 2003ൽ പുറത്തിറങ്ങി. ഒന്നാം ഭാഗം നിർത്തിയിടത്തു നിന്ന് രണ്ടാം ഭാഗം തുടങ്ങുന്നു.

ലിബർട്ടി ഐലൻഡ് സംഭവത്തിന്‌ ശേഷം പോലീസിന്റെ പിടിയിലായ മാഗ്നിറ്റോയെ പൂർണമായും പ്ലാസ്റ്റിക് കൊണ്ട് നിർമിച്ച ലോഹങ്ങൾ അല്പം പോലും കടന്നു ചെല്ലാത്തസ്വന്തം ശക്തികൾ ഉപയോഗിക്കാൻ കഴിയാത്ത ജയിലിൽ ആജീവനാന്തം തടവിലിട്ടു. എങ്കിലും പ്രശ്നങ്ങൾ ഒന്നും അവസാനിച്ചിരുന്നില്ല. മ്യൂട്ടന്റുകളെയെല്ലാം അങ്ങേയറ്റം വെറുക്കുകയും അവരുടെ അന്ത്യം കാണാൻ ആഗ്രഹിക്കുകയും ചെയ്യുന്ന ഒരു പട്ടാള ശാസ്ത്രജ്ഞനായ വില്യം സ്‌ട്രൈക്കർ എന്ന വ്യക്തിയുടെ രംഗപ്രവേശത്തോടെ കാര്യങ്ങൾ കൂടുതൽ വഷളായി. സ്‌ട്രൈക്കർ മ്യൂട്ടന്റുകളെ പൂർണമായും ഇല്ലാതാക്കാനുള്ള കരുക്കൾ നീക്കി തുടങ്ങിയപ്പോൾ നിലനിൽപ്പിനു വേണ്ടിയുള്ള പോരാട്ടത്തിന് അവരും നിർബന്ധിതരാവുന്നു. എല്ലായിടത്തെയും പോലെ ഇവിടെയും യുദ്ധത്തിന് ശേഷം ബാക്കിയാവുന്നത് നഷ്ടങ്ങളുടെ കണക്ക് മാത്രമാണ്.