Kota Factory Season 2
കോട്ട ഫാക്ടറി സീസൺ 2 (2021)

കോട്ട ഫാക്ടറി രണ്ടാമത്തെ സീസണിലേക്ക് കടക്കുമ്പോൾ ഒന്നാം ഭാഗത്തിലെ പ്രധാന കഥാപാത്രങ്ങളെല്ലാം JEE കോച്ചിങ്ങിൻ്റെ രണ്ടാം വർഷത്തിലേക്ക് കടക്കുകയാണ്. വൈഭവ്, മഹേശ്വരി ക്ലാസ്സസിലാണ് ഇപ്പോൾ പഠിക്കുന്നത്. മീനയും, ഉദയും, വർതികയും, മീനലും പ്രോഡിജിയിലും.

ഒന്നാം സീസണിൽ വിദ്യാർത്ഥികൾക്കാണ് കൂടുതൽ ഊന്നൽ നൽകിയിരുന്നതെങ്കിൽ ഈ സീസണിൽ അവർക്കൊപ്പം കോച്ചിങ്ങ് ഇൻസ്റ്റിറ്റ്യൂട്ടുകളും അദ്ധ്യാപകരും ഒരു പ്രധാന വിഷയമായി വരുന്നുണ്ട്. കോച്ചിങ്ങ് ഇൻസ്റ്റിറ്റ്യൂട്ടുകളുടെ കിടമത്സരം വിദ്യാർത്ഥികളിൽ ഉണ്ടാക്കുന്ന സമ്മർദ്ദവും ആകുലതകളും, അവരുടെ സൗഹൃദങ്ങളും പ്രണയവും ഇണക്കങ്ങളും പിണക്കങ്ങളും നർമ്മത്തിൽ ചാലിച്ച് അവതരിപ്പിച്ചിരിക്കുന്നു. ആദ്യ സീസണിൽ പ്രേക്ഷകർക്ക് ഇഷ്ടമായ എല്ലാ ഘടകങ്ങളും ഈ സീസണിലുമുണ്ട്.