• Skip to primary navigation
  • Skip to main content
  • Skip to footer
എംസോൺ

എംസോൺ

ലോകസിനിമയുടെ മലയാള ജാലകം

  • പരിഭാഷകൾ
    • സീരീസുകൾ
    • Advanced Filter
    • പരിഭാഷ ഡൗൺലോഡുകൾ
  • സംശയങ്ങൾ
    • എംസോൺ സബ് എഡിറ്റർ ആപ്ലിക്കേഷൻ
    • കുറിപ്പുകൾ
    • വിശദീകരണങ്ങൾ
  • ഫെസ്റ്റുകൾ
  • മലയാളസിനിമകൾ
  • പരിഭാഷകൾ അയക്കാൻ
    • ആദ്യമായി അയക്കുന്നവർക്ക്
    • സബ്ടൈറ്റിൽ സ്റ്റാറ്റസ്
    • നമ്മുടെ പരിഭാഷകർ
  • ഞങ്ങളെക്കുറിച്ച്

Piku / പികു (2015)

July 28, 2020 by Asha

എം-സോണ്‍ റിലീസ് – 1870

പോസ്റ്റർ: ഷാരൂഖ് നിലമ്പൂര്‍
ഭാഷഹിന്ദി
സംവിധാനംShoojit Sircar
പരിഭാഷസജിൻ സാജ്
ജോണർകോമഡി, ഡ്രാമ

7.6/10

Download

ഒരാളുടെ വികാരങ്ങളും വയറും തമ്മിൽ വളരെയധികം ബന്ധമുണ്ടെന്നാണ് 70-കാരനായ ഭാസ്‌കോർ ബാനർജിയുടെ അഭിപ്രായം. അങ്ങേരുടെ ഏറ്റവും വലിയ പ്രശ്നവും വയറ് തന്നെയാണ്.  ശോധനയില്ലാതെ കഷ്ടപ്പാടിലായി, കൂടെയുള്ളവർക്ക് കൂടെ മനസമാധാനം കൊടുക്കാത്ത ഒരു വിചിത്ര കഥാപാത്രമാണ് ഇങ്ങേര്. ഇങ്ങേർക്ക് വേണ്ടി ജീവിച്ചു,  കല്യാണം എന്ന കാര്യമൊക്കെ മറന്ന മകളാണ് പികു എന്ന പികു ബാനർജി. പികുവിന്റെ സ്വഭാവത്തിലും ആ ദേഷ്യവും അമർഷവും ഒക്കെ വേണ്ടുവോളമുണ്ട്. ഇങ്ങനെയുള്ള രണ്ടു പേരെയും കൊണ്ട് ഡൽഹിയിൽ നിന്ന് കൊൽക്കത്ത വരെ പോവാൻ ആകസ്മികമായി അവസരം ലഭിച്ചു റാണാ ചൗധരി കൂടി എത്തുന്നതോടെ കാര്യങ്ങളൊക്കെ മാറാൻ തുടങ്ങുന്നു.

2015-ൽ ഷൂജിത് സർക്കാറിന്റെ സംവിധാനത്തിൽ വന്ന “പികു” എന്ന  ചിത്രം, മികച്ച സാമ്പത്തിക വിജയവും പ്രേക്ഷക-നിരൂപക പ്രശംസയും ഒരു പോലെ കൈ വരിച്ചു. വളരെ സരസമായി പറഞ്ഞു പോകുന്ന, റോഡ് മൂവി വിഭാഗത്തിലും പെടുത്താവുന്ന  ചിത്രത്തിന്റെ ഏറ്റവും മനോഹാരിത അതിന്റെ ലാളിത്യമാണ്. ഒരു ചെറിയ ത്രെഡിൽ നിന്നും 2 മണിക്കൂർ പ്രേക്ഷകന്റെ രസച്ചരട് പൊട്ടാതെ കൂടെ കൊണ്ടു പോവുന്നതിൽ സംഭാഷണങ്ങളും മുഖ്യ പങ്ക് വഹിച്ചു. അമിതാബ് ബച്ചൻ, ദീപിക പദുക്കോൺ, ഇർഫാൻ ഖാൻ എന്നീ പ്രതിഭകളുടെ അഭിനയത്തിന്റെ മാറ്റുരക്കലും കാണികൾക്ക് നല്ല വിരുന്നാണ്. ഈ ചിത്രത്തിലൂടെ അമിതാബ് ബച്ചൻ മികച്ച നടനുള്ള ദേശീയ പുരസ്‌കാരം നാലാമതും കരസ്ഥമാക്കി. മികച്ച തിരക്കഥ, സംഭാഷണം എന്നീ വിഭാഗങ്ങളിലും ഈ ചിത്രം ദേശീയ പുരസ്കാരം നേടി. അകാലത്തിൽ പൊലിഞ്ഞ ഇർഫാൻ ഖാൻ എന്ന അനുഗ്രഹീത കലാകാരനുള്ള സമർപ്പണം കൂടിയാണ് ഈ മലയാള പരിഭാഷ.

അഭിപ്രായങ്ങൾ പങ്കുവെക്കാൻ

Filed Under: Comedy, Drama, Hindi Tagged: Sajin Saj

Footer

Disclaimer: Msone is a non-profit initiative. Msone do not support or propogate piracy. It is only a platform for providing Malayalam subtitles to other language films. The site do not share files of movies in any form. If you have any objection about any of the posters uploaded on this site you can reach us on this email: [email protected]