A Violent Prosecutor
എ വയലന്റ് പ്രോസിക്യൂട്ടർ (2015)

2016ൽ റിലീസ് ചെയ്ത കോമഡി ത്രില്ലർ ഗണത്തിൽ പെടുത്താവുന്ന കൊറിയൻ ചിത്രമാണ് എ വയലന്റ് പ്രോസിക്യൂട്ടർ. സിനിമയുടെ പേര് പോലെ തന്നെ കണിശക്കാരനായ പെട്ടെന്ന് ദേഷ്യം വരുന്ന ഒരു അഭിഭാഷകനാണ് ബ്യുൻ ജേ വൂക്, അയാളുടെ ഈ സ്വഭാവം കാരണം ഒരുപാട് ശത്രുക്കളും അയാൾക്കുണ്ട്. അങ്ങനെയിരിക്കെ രാഷ്ട്രീയക്കാരടക്കം പല വമ്പന്മാരും ഉൾപ്പെട്ട ഒരു കേസിന്റെ ചുരുളഴിക്കാൻ പോകുന്ന വക്കീലിനെ ആരൊക്കെയോ ചേർന്ന് ചതിയിലൂടെ കള്ളക്കേസിൽ കുടുക്കി ജയിലിലാക്കുന്നു. രക്ഷപ്പെടാനുള്ള എല്ലാ പഴുതുകളും അടഞ്ഞ് ജയിൽജീവിതം തുടരുന്ന വക്കീലിന്റെ കയ്യിലേക്ക് 5 വർഷങ്ങൾക്ക് ശേഷം ഒരു കച്ചിത്തുരുമ്പ് വീണുകിട്ടുന്നു. അതിൽ പിടിച്ചുകയറാൻ വക്കീലിന് സാധിക്കുമോ ഇല്ലേ എന്നുള്ളത് സിനിമ കണ്ട് മനസ്സിലാക്കുക.