Arthdal Chronicles Season 1
ആർത്ഡൽ ക്രോണിക്കിൾസ് സീസൺ 1 (2019)

2019 ൽ നെറ്റ്ഫ്ലിക്സിലൂടെ പുറത്തിറങ്ങിയ ഒരു ഫാന്റസി ഡ്രാമ സീരീസാണ് ആർത്ഡൽ ക്രോണിക്കിൾസ്. ഇയ്യാർക്ക് എന്ന ഒരു ഒറ്റപ്പെട്ട സ്ഥലത്തെ മനുഷ്യർ, “നിയാൻതലുകൾ” എന്ന വിഭാഗവും മനുഷ്യരും തമ്മിൽ എന്നും വിദ്വേഷം പുലർത്തി വരുന്ന “ആർത് ” എന്ന സ്ഥലത്തേയ്ക്ക് എത്തുകയും പിന്നീട് അവിടെ നടക്കുന്ന സംഭവ വികാസങ്ങളുമാണ്‌ ഈ സീരിസിന്റെ ഇതിവൃത്തം. പുരാതനമായ നിരവധി വാക്കുകളും ആചാരങ്ങളും ഈ സീരീസിലുണ്ട്.
ഓരോ എപ്പിസോഡുകളിലും ഉള്ള അപ്രതീക്ഷിതമായ കഥാഗതിയും, ട്വിസ്റ്റുകളും, ചടുലമായ മേക്കിങ്ങും ഇൗ സീരീസിന്റെ പ്രത്യേകതകളാണ്. വളരെ വേഗത്തിൽ ത്രില്ലിംഗ് ആയാണ് ഇതിൽ കഥ പറഞ്ഞുപോകുന്നത്. അതുകൊണ്ട് തന്നെ ഒരു നിമിഷം പോലും ഈ സീരീസ് നമ്മെ ബോറടിപ്പിക്കുന്നില്ല. ഏതായാലും കാണുന്നവർക്ക് ഒരു മികച്ച അനുഭവം തന്നെ ആയിരിക്കും ഇൗ സീരീസ് സമ്മാനിക്കുക. മികച്ച ഒരു വിഷ്വൽ ട്രീറ്റ് കൂടിയാണ് ആർത്ഡൽ ക്രോണിക്കിൾസ്‌.

80 മിനിറ്റോളം ദൈർഘ്യം വരുന്ന 18 എപ്പിസോഡുകളാണ് സീസൺ 1 ൽ ഉള്ളത്. 3 പാർട്ടുകൾ ആയാണ് നെറ്റ്ഫ്ലിക്സ്‌ ഇത് റിലീസ് ചെയ്തത്. ഇതിന്റെ രണ്ടാം സീസൺ അണിയറയിൽ ഒരുങ്ങിക്കൊണ്ടിരിക്കുയാണ്.