Brave Citizen
ബ്രേവ് സിറ്റിസൺ (2023)

ബോക്സിങ് ചാമ്പ്യനാവുക എന്ന സ്വപ്നം ഉപേക്ഷിച്ച്, മൂയോങ് ഹൈ എന്ന സ്കൂളിൽ താൽകാലിക ടീച്ചറായി ജോലിയിൽ പ്രവേശിച്ച ‘സോ ഷീ-മിൻ’, ആദ്യ നാളുകളിൽ തന്നെ ആ സ്കൂളിനെ പറ്റി ചില ഞെട്ടിക്കുന്ന സത്യങ്ങൾ മനസ്സിലാക്കുന്നു.

സ്കൂൾ റൗഡികളുടെ നേതാവായ സൂ-കാങിന്റെ കുടുംബ ബന്ധങ്ങളും പിടിപാടുകളും കാരണം ആരും അവർക്കെതിരെ പ്രതികരിക്കാൻ തയ്യാറല്ല.
സ്ഥിര അധ്യാപിക ആകണമെന്ന തന്റെ ലക്ഷ്യം കാരണം, അവിടെ നടക്കുന്ന അക്രമങ്ങൾക്കും അനീതിക്കുമെതിരെ മറ്റുള്ളവരെ പോലെ തനിക്കും കണ്ണടയ്‌ക്കേണ്ടി വരുന്നു.

എന്നാൽ കണ്ണടച്ചാൽ ഇരുട്ടാകില്ലെന്ന് മനസ്സിലാക്കിയ സോ ഷീ-മിൻ, ഒരു പൂച്ചയുടെ മുഖംമൂടിയുടെ മറയിൽ നിന്നുകൊണ്ട് തന്റേതായ രീതിയിലുള്ള നീതി നടപ്പാക്കുന്നു.