Love 911
ലൗ 911 (2012)

മീസൂ ഡോക്ടറാകാൻ പഠിക്കുന്നതിന്റെ അവസാന ഘട്ടം ആയിരുന്നു. തന്റെ ആദ്യ ഓപ്പറേഷനായുള്ള തയ്യാറെടുപ്പിനിടയിൽ മുൻശുണ്ഠിയും എടുത്തു ചാട്ടവും മൂലം സീനിയർ ഡോക്റ്റർ നോക്കേണ്ട ഒരു പോഷ്യന്റിനെ അറ്റന്റ് ചെയ്യുകയും തെറ്റായ രോഗ നിർണയം നടത്തുന്നക മൂലം രോഗി മരണാവസ്ഥയിലാകുകയു ചെയ്യുന്നു. അതോടു കൂടി തന്റെ ഡോക്റ്റർ പട്ടം തെറിക്കുകയോ മൂന്നു വർഷം വിലക്കുകയോ ചെയ്യുമെന്നറിയുന്നു. ഒരു സ്റ്റുഡന്റായി താൻ മൂന്നുവർഷം വിലക്കു നേരിട്ടാൽ അതു തന്റെ കരിയറിനേ ബാധിക്കും എന്നു മനസ്സിലാക്കിയ മീസു അതിനേ നേരിടാനായി കുറുക്കു വഴി അന്വേഷിക്കുന്നു. കാങ്ങ് എന്ന ഫയർ ഫോഴ്സിൽ ജോലി ചെയ്യുന്ന ദേഷ്യക്കാരനും ആരു പറഞ്ഞാലും കേൾക്കാത്തവനും ആയ കാങ്ങിന്റെ സഹായത്തോടെ തന്റെ ഡിസ്മിസൽ ഒഴിവാക്കാൻ കഴിയും എന്നു അവൾ അറിയുന്നു. അതിനായി കാങ്ങ്നേ സമീപിച്ച മീസുവിനേ കാങ്ങ് മടക്കി അയക്കുന്നു. എങ്ങനെയും കാങ്ങിനെ വലയിലാക്കി തന്റെ ഡോക്ടർ പട്ടം നിലനിർത്താനായി മീസു തീരുമാനിക്കുന്നു. രംഭ ആയോ മേനകയായോ കാങ്ങിന്റെ തപസ്സിളക്കാൻ തീരുമാനിച്ചു കാങ്ങിന്റെ പുറകേ കൂടിയെങ്കിലും തന്റെ ഉള്ളിലുള്ള ശൂർപ്പണക ചില സമയം പുറത്ത് വന്ന് എല്ലാം കുളമാക്കുന്നു. മീസു കാങ്ങിനേ പ്രണയിത്തിൽ വീഴ്ത്തി തന്റെ ഡോക്ടർ പട്ടം നിലനിർത്തുമോ അതോ കാങ്ങ് അവളേ പുറകാലു മടക്കി തൊഴിക്കുമോ എന്നുള്ളതെല്ലാമാണ് സിനിമയെ മുന്നോട്ട് കൊണ്ട് പോകുന്നത്. മികച്ച ഹാസ്യത്തിന്റെ മേമ്പൊടി ചേർത്ത് നല്ല ഒന്നാന്തരം പ്രണയം ചിത്രം. ചിരിക്കാനും ഒപ്പം പ്രണയത്തിന്റെ രുചി നുകരാനും വേണ്ടതെല്ലാം ഈ ചിത്രത്തിൽ ഒരുക്കിയിട്ടുണ്ട്.