• Skip to primary navigation
  • Skip to main content
  • Skip to footer
എംസോൺ

എംസോൺ

ലോകസിനിമയുടെ മലയാള ജാലകം

  • പരിഭാഷകൾ
    • സീരീസുകൾ
    • Advanced Filter
    • പരിഭാഷ ഡൗൺലോഡുകൾ
  • സംശയങ്ങൾ
    • എംസോൺ സബ് എഡിറ്റർ ആപ്ലിക്കേഷൻ
    • കുറിപ്പുകൾ
    • വിശദീകരണങ്ങൾ
  • ഫെസ്റ്റുകൾ
  • മലയാളസിനിമകൾ
  • പരിഭാഷകൾ അയക്കാൻ
    • ആദ്യമായി അയക്കുന്നവർക്ക്
    • സബ്ടൈറ്റിൽ സ്റ്റാറ്റസ്
    • നമ്മുടെ പരിഭാഷകർ
  • ഞങ്ങളെക്കുറിച്ച്

The Juror / ദി ജ്യുറർ (2019)

October 27, 2020 by Vishnu

എം-സോണ്‍ റിലീസ് – 2185

പോസ്റ്റർ: നിഖിൽ ഇ കൈതേരി
ഭാഷകൊറിയൻ
സംവിധാനംSeung-wan Hong
പരിഭാഷജീ ചാങ്-വൂക്ക്, അരുൺ അശോകൻ,
ജോണർഡ്രാമ

7.1/10

Download

2008 ൽ കൊറിയയിൽ നടന്ന ആദ്യ ജൂറി വിചാരണയെ അടിസ്ഥാനമാക്കി 2019ൽ പുറത്തിറങ്ങിയ സൗത്ത് കൊറിയൻ ചിത്രമാണ് ദി ജ്യുറർ. വിവിധ പ്രായത്തിലുള്ള, വ്യത്യസ്ത ജോലികൾ ചെയ്യുന്ന 8 സാധാരണക്കാർ ഒരു കോടതി വിചാരണയ്ക്ക് വേണ്ടി ജൂറി അംഗങ്ങളായി തെരഞ്ഞെടുക്കപ്പെടുന്നു. സാധാരണ ജനങ്ങളെയും വിചാരണയിൽ പങ്കാളികളാക്കി എന്നൊരു ചരിത്രം സൃഷ്ടിക്കുക എന്നത് മാത്രമായിരുന്നു ജഡ്ജിമാരുടെ ഉദ്ദേശ്യം. ആദ്യമേ തന്നെ കുറ്റസമ്മതം നടത്തിയ പ്രതിക്കെതിരെ ശക്തമായ തെളിവുകളും, സാക്ഷികളുമൊക്കെ ഉള്ളതു കൊണ്ടു തന്നെ വളരെ നിസാരമായി, ശിക്ഷാ കാലാവധി വിധിക്കാനായി മാത്രമാണ് ജൂറി അംഗങ്ങൾ വിചാരണയെ സമീപിക്കുന്നതും. എന്നാൽ എണ്ണം തികയ്ക്കാൻ വേണ്ടി അവസാന നിമിഷം എട്ടാമത്തെ ജുറർ ആയി തെരഞ്ഞെടുക്കപ്പെടുന്ന ക്വൊൻ നാം വൂ, വിചാരണക്കിടയിൽ പ്രതി നിരപരാധിയാണോ എന്ന സംശയം ഉന്നയിക്കുന്നതോടെ സിനിമയുടെ ഗതി മാറുന്നു.

ഔപചാരികമായി നിയമം പഠിച്ചിട്ടില്ലാത്ത സാധാരണക്കാർ, ഒരു മനുഷ്യൻ കുറ്റവാളിയാണോ അല്ലയോ എന്നു തീരുമാനിക്കേണ്ടി വരുന്ന അസാധാരണമായ സാഹചര്യത്തെ, എങ്ങനെയാണ് നേരിടുകയെന്നത് സിനിമയിൽ വളരെ വിശദമായി തന്നെ വരച്ചു കാട്ടുന്നുണ്ട്.

ജൂറി അംഗങ്ങളുടെ പരസ്‌പര ചർച്ചകളിലൂടെയും തർക്കങ്ങളിലൂടെയും ചോദ്യോത്തരങ്ങളിലൂടെയും മാനസിക വ്യാപാരങ്ങളിലൂടെയുമൊക്കെ പുരോഗമിക്കുന്ന ദി ജ്യുറർ പ്രേക്ഷകരേയും ഈ വിചാരണയിൽ പങ്കാളികളാക്കുന്നു എന്നിടത്താണ് വിജയിക്കുന്നത്.

അഭിപ്രായങ്ങൾ പങ്കുവെക്കാൻ

Filed Under: Drama, Korean Tagged: Arun Ashokan, Ji Chang-wook

Footer

Disclaimer: Msone is a non-profit initiative. Msone do not support or propogate piracy. It is only a platform for providing Malayalam subtitles to other language films. The site do not share files of movies in any form. If you have any objection about any of the posters uploaded on this site you can reach us on this email: [email protected]