എം-സോണ്‍ റിലീസ് – 29
| ഭാഷ | സ്പാനിഷ് |
| സംവിധാനം | Nacho Vigalondo |
| പരിഭാഷ | ഉണ്ണി ജയേഷ് |
| ജോണർ | ഹൊറർ, മിസ്റ്ററി, സയൻസ് ഫിക്ഷൻ |
ഒരാൾ തന്റെ പുതിയ വീട്ടിന് മുന്നിലിരുന്ന് ബൈനോക്കുലർ വഴി ഒരു കാഴ്ച കാണുകയും അതിനെക്കുറിച്ചറിയാൻ ഇറങ്ങിത്തിരിക്കുകയും പിന്നീട് യാദൃശ്ചികമായി ഒരു ടൈംമെഷീനിലൂടെ ഒരു മണിക്കൂറോളം അയാളുടെ ഭൂതകാലത്തിലേക്ക് യാത്ര ചെയ്യപ്പെടുകയും ചെയ്യുന്നു. യാത്രക്ക് ശേഷം അയാളുടെ ജീവിതത്തിൽ നടന്ന പല സംഭവങ്ങളും അയാളുമായി എങ്ങനെ ബന്ധപ്പെട്ടിരിക്കുന്നു എന്നതാണ് ടൈംക്രൈംസ് കാണിച്ചു തരുന്നത്.
നാച്ചോ വിഗലോണ്ടോ എഴുതി സംവിധാനം ചെയ്തതും അഭിനയിച്ചതുമായ 2007 ലെ ഒരു സ്പാനിഷ് സയൻസ് ഫിക്ഷൻ ത്രില്ലർ ചിത്രമാണ് ടൈംക്രൈംസ്. അറിയാതെ ടൈം ലൂപ്പിന്റെ ഭാഗമായിത്തീരുന്ന ഹെക്ടറായി കാരാ എലജാൽഡെ ഈ ചിത്രത്തിൽ അഭിനയിക്കുന്നു. 2007 സെപ്റ്റംബറിൽ ടെക്സസിലെ ഓസ്റ്റിനിലെ ഫന്റാസ്റ്റിക് ഫെസ്റ്റിലാണ് ചിത്രം പ്രദർശിപ്പിച്ചത്. IMDb റേറ്റിംഗിൽ 7.2/10 ഉള്ള ഈ ചിത്രം ടൈംട്രാവൽ സിനിമകളിൽ മികച്ച ഒരു ദൃശ്യവിസ്മയം നൽകുന്ന ഒന്ന് തന്നെയാണ്.