എം-സോണ്‍ റിലീസ് – 2319
| ഭാഷ | ടർക്കിഷ് |
| സംവിധാനം | Onur Saylak |
| പരിഭാഷ | ആംസിൽ അഗസ്റ്റിൻ, ഫഹദ് അബ്ദുൾ മജീദ് |
| ജോണർ | ക്രൈം, ഡ്രാമ, മിസ്റ്ററി |
ഹകാൻ ഗുണ്ടെ എഴുതി 2018 ൽ പുഹു ടിവി സംപ്രേക്ഷണം ചെയ്ത ടർക്കിഷ് ക്രൈം ഡ്രാമ മിനി സീരീസ് ആണ് Sahsiyet. IMDb യുടെ എക്കാലത്തെയും മികച്ച സീരീസുകളുടെ പട്ടികയിൽ 22 ആം സ്ഥാനത്താണ് Sahsiyet. 65 കാരനായ റിട്ടയേർഡ് കോടതി ഗുമസ്തനാണ് അഗാഹ് ബെയോഗ്ലു. മരിച്ചുപോയ തന്റെ ഭാര്യയുടെ പേരിലുള്ള ഒരു പഴയ ഓട്ടോമാൻ കെട്ടിടത്തിലാണ് അഗാഹ് താമസിക്കുന്നത്. ഒരു ദിവസം, തന്റെ പ്രിയപ്പെട്ട പൂച്ച മുനീർ മരിക്കുന്നു. അഗാഹ് ഭക്ഷണം കൊടുക്കാൻ മറന്നുപോയതാണ് കാരണം. ആ സംഭവത്തിന് ശേഷം, താൻ മറന്നതിന്റെ കാരണങ്ങൾ കണ്ടെത്താനായി അദ്ദേഹം ഒരു ഡോക്ടറിന്റെ അടുത്ത് ചെല്ലുന്നു. അവിടെ വെച്ച് തനിക്ക് അൽഷിമേഴ്‌സ് ബാധിച്ചിരിക്കുന്നു എന്ന് ഡോക്ടർ അറിയിക്കുന്നു. എന്നാൽ അഗായ്ക്ക് അത് അംഗീകരിക്കാൻ സാധിക്കുന്നില്ല.ഒരു ദിവസം ക്ഷണം സ്വീകരിച്ച് അഗാഹ് തന്റെ സുഹൃത്തുക്കളെ കണ്ടുമുട്ടുമ്പോൾ തന്റെ രോഗത്തിന്റെ ചില ഗുണങ്ങൾ മനസ്സിലാക്കുകയും ഒരു തീരുമാനം എടുക്കുകയും ചെയ്യുന്നു. ആ തീരുമാനം അഗായുടെ ജീവിതത്തിലെ വഴിത്തിരിവ് ആയി മാറുന്നു. ഇതിലെ അഗാഹ് എന്ന കഥാപാത്രത്തെ അവതരിപ്പിച്ച Haluk Bilginer ആ വർഷത്തെ ഇന്റർനാഷണൽ എമ്മി അവാർഡ് നേടിയിട്ടുണ്ട്.