എങ്ങനെ സബ്ടൈറ്റിൽ ചെയ്യാം?
മൊബൈലിൽ എങ്ങനെ സബ്ടൈറ്റിൽ ചെയ്യാം.
നമ്മുടെ പരിഭാഷകൻകൂടിയായ അൻസിൽ ആർ എംസോണിന് വേണ്ടി നിർമ്മിച്ചെടുത്ത ഒരു ടെലഗ്രാം ബോട്ടാണ് ഇത്. ടെലഗ്രാം ആപ്ലിക്കേഷൻ ഇൻസ്റ്റാൾ ചെയ്തിട്ടുള്ള ഏതൊരു മൊബൈൽ ഫോണിലും നമുക്ക് ഈ ബോട്ട് ഉപയോഗിച്ച് പരിഭാഷകൾ ചെയ്യാം.
ഫീച്ചറുകള്
- ക്ലൌഡ് ഡാറ്റാബേസ് – എല്ലാ എഡിറ്റുകളും ക്ലൌഡ് ഡാറ്റാബേസിലാണ് സൂക്ഷിക്കുന്നത്. അതുകൊണ്ട് ഒന്നും നഷ്ടപ്പെടുമെന്ന പേടിവേണ്ട.
- ഒന്നിലധികം ആളുകള്ക്ക് ഒരു സബ് എഡിറ്റ് ചെയ്യാന് കഴിയുന്ന കൊളാബറേറ്റര് മോഡ്.
- വീഡിയോ പ്ലയര്.
- വീഡിയോയില് നിന്നും സബ്ടൈറ്റില് എക്സ്ട്രാക്ട് ചെയ്യാം.
- സബ്ടൈറ്റില് റീ-സിങ്ക് ചെയ്യാം.
- വരികള് മെര്ജ്, സ്പ്ലിറ്റ്, ഡിലീറ്റ് ചെയ്യാം.
- ഓരോ വരിയുടെയും സമയം ക്രമീകരിക്കാം.
- ഓരോ വരിയുടെയും ഫോര്മാറ്റിങ്, കളര്, സ്ക്രീനില് സബ് എവിടെ കാണിക്കണം തുടങ്ങിയവ സെറ്റ് ചെയ്യാം.

എങ്ങനെ ഉപയോഗിക്കാം : ടെലിഗ്രാമില് @SubEditBot എന്ന് സെര്ച്ച് ചെയ്ത് Msone SubEditor ബോട്ടിനെ സ്റ്റാര്ട്ട് ചെയ്യുക. ശേഷം ‘Edit’ എന്ന ബട്ടണില് പ്രെസ്സ് ചെയ്തോ ‘/edit’ എന്ന കമാന്ഡ് ബോട്ടിലേക്ക് അയച്ചുകൊണ്ടോ പുതിയൊരു എഡിറ്റിങ് സെഷന് സ്റ്റാര്ട്ട് ചെയ്യാം. ശേഷം വരുന്ന മെനുവില് ‘Start New’ എന്ന ബട്ടണ് ക്ലിക്ക് ചെയ്താല് മറ്റൊരു മെനു ലഭിക്കും. അതില് നിന്ന് ‘Extract from Video’ അല്ലെങ്കില് ‘Send SRT file’ സെലക്ട് ചെയ്ത് നിങ്ങളുടെ ഫയലുകള് അയച്ചുകൊടുക്കുക. ശേഷം വരുന്ന മെനുവില് നിങ്ങള് അയച്ചുകൊടുത്ത ഫയലിന്റെ പേരിലുള്ള ഒരു ബട്ടണ് കാണാന് കഴിയും. അതില് ക്ലിക്ക് ചെയ്താല് നിങ്ങള്ക്ക് ആ സബ്ടൈറ്റില് മെയിന് മെനുവിലേക്ക് പോകാം.
മെയിന് മെനു
- Explore : അപ്ലോഡ് ചെയ്ത സബ്ടൈറ്റില് പരിശോധിക്കാന്.
- Compile : എഡിറ്റ് ചെയ്ത ശേഷം സബ്ടൈറ്റില് ഫയല് ലഭിക്കാന്.
- Re-Sync : സബ്ബിന്റെ സമയം ക്രമീകരിക്കാന്.
- Edit : ഇതില് ക്ലിക്ക് ചെയ്താല് നിങ്ങള്ക്ക് ആ സബ്ടൈറ്റിലിന്റെ എഡിറ്റ് മെനുവിലേക്ക് പോകാം. മെനുവില് നിങ്ങള്ക്ക് Index, Time code, Original text എന്നിവ കാണാന് കഴിയും. കൂടെ കുറേ ബട്ടണുകളും.
- Delete : സബ് ഡിലീറ്റ് ചെയ്യാന്.
- Collaborate : സുഹൃത്തുക്കളുമായി ചേര്ന്ന് ഒരേ സബ് എഡിറ്റ് ചെയ്യാന്.
- Submit to MSone : എഡിറ്റ് ചെയ്ത സബ് നേരിട്ട് എംസോണിലേക്ക് അയക്കാന്.

എഡിറ്റര് മെനു ബട്ടണുകള്
- Edit Text : ആദ്യത്തെ ബട്ടണാണ് Edit Text. ഇതില് ക്ലിക്ക് ചെയ്തതിന് ശേഷം എഡിറ്റ് ചെയ്ത text ബോട്ടിന് അയച്ചുകൊടുക്കാം.
- Merge : രണ്ട് വരികള് തമ്മില് കൂട്ടിച്ചേര്ത്ത് ഒറ്റ വരിയാക്കാന്.
- Menu : മെയിന് മെനുവിലേക്ക് പോകാന്.
- Split : ഒരു വരിയെ രണ്ടായി വിഭജിക്കാന്.
- Add Line : പുതിയൊരു വരി ചേര്ക്കാന്.
- Formatter : ഇതില് ക്ലിക്ക് ചെയ്താല് നിങ്ങള്ക്ക് ഒരു വെബ്പേജ് തുറന്നുവരും. അതില് വരിയുടെ കളര്, ഫോണ്ട്, സ്ക്രീന് പൊസിഷന് എന്നിവ സെറ്റ് ചെയ്യാം.
- Adjust Time : വരിയുടെ സമയം ക്രമീകരിക്കാന്.
- Translate : ഒരു വരി ഗൂഗിള് ട്രാന്സ്ലേറ്റ് ഉപയോഗിച്ച് ട്രാന്സ്ലേറ്റ് ചെയ്യാം.
- Player : ഇതില് ക്ലിക്ക് ചെയ്താല് ഒരു വീഡിയോ പ്ലയര് തുറന്നുവരും. അതില് വീഡിയോ ലോഡ് ചെയ്ത് കണ്ടുകൊണ്ട് തന്നെ സബ് എഡിറ്റ് ചെയ്യാം.
കമ്പ്യൂട്ടറിൽ എങ്ങനെ സബ്ടൈറ്റിൽ ചെയ്യാം.
വിന്റോസ്
ആദ്യം നിങ്ങളുടെ കമ്പ്യൂട്ടറിൽ Subtitle Edit സോഫ്റ്റ് വെയർ ഇൻസ്റ്റാൾ ചെയ്യുക (സൗജന്യമായി ഡൗൺലോഡ് ചെയ്യാവുന്നതാണ്). ശേഷം പരിഭാഷപ്പെടുത്താൻ ഉദ്ദേശിക്കുന്ന സിനിമയുടെ ഇംഗ്ലീഷ് സബ്ടൈറ്റിൽ സോഫ്റ്റ് വെയറിൽ ഓപ്പൺ ചെയ്യുക. ഓരോ വരികളുടെയും ശരിയായ അർത്ഥം സിനിമ കണ്ടുകൊണ്ട് തന്നെ മനസ്സിലാക്കി, അതാത് ഇംഗ്ലീഷ് വരികളുടെ സ്ഥാനത്ത് മലയാളം എഴുതി പരിഭാഷ ആരംഭിക്കാം. ആദ്യ വരി ചെയ്ത ശേഷം File മെനുവിൽ Save as ഓപ്ഷൻ ക്ലിക്ക് ചെയ്ത് സബ്ടൈറ്റിലിന്റെ ഒറിജിനൽ പേരിന്റെ അവസാനം.ml എന്ന് ചേർത്ത് സേവ് ചെയ്യുക. ശേഷം പരിഭാഷ ചെയ്യുന്നതിനിടക്ക് Ctr+S ക്ലിക്ക് ചെയ്ത് സേവ് ചെയ്യുന്നതിലൂടെ ചെയ്ത് തീർത്ത വരികൾ നഷ്ടപ്പെടാതെ സൂക്ഷിക്കാം. ആവശ്യമില്ലാത്ത ഏതെങ്കിലും വരികൾ ഡിലീറ്റ് ചെയ്യേണ്ടി വരികയാണെങ്കിൽ അതിൽ ക്ലിക്ക് ചെയ്ത് ഡിലീറ്റ് ചെയ്താൽ മതി. അതുപോലെ പുതുതായി ഒരു വരി ചേർക്കേണ്ടി വരികയാണെങ്കിൽ നിലവിലുള്ള വരി സെലക്റ്റ് ചെയ്ത് റൈറ്റ് ക്ലിക്ക് ചെയ്താൽ Insert before / Insert after എന്ന ഓപ്ഷൻ കാണാം. അതിൽ ഏതാണോ വേണ്ടത് അതിൽ ക്ലിക്ക് ചെയ്താൽ പുതിയൊരു വരി വന്നതായി കാണാം.

ലിനക്സ്
ലിനക്സ് ഉപയോഗിക്കുന്നവർക്ക് Subtitle Composer എന്ന സോഫ്റ്റ്വെയർ ഉപയോഗിച്ച് സബ്ടൈറ്റിൽ ചെയ്യാം.

മാക്
മാകിൽ ഉപയോഗിക്കാവുന്ന സബ് എഡിറ്റർ ആണ് Tero Subtitler. ഇതിപ്പോൾ വിന്റോസിനും ലിനക്സിനും കൂടി ലഭ്യമാണ്.

ass സബ്ടൈറ്റിൽ ചെയ്യാൻ AEgisub എന്ന സോഫ്റ്റ്വെയർ ഉപയോഗിക്കാം. ഇത് വിന്റോസ്, ലിനക്സ്, മാക് എന്നിവയിലെല്ലാം ലഭ്യമാണ്.