എം-സോണ്‍ റിലീസ് – 2559
| ഭാഷ | മാൻഡറിൻ |
| സംവിധാനം | Sicheng Chen |
| പരിഭാഷ | മുഹമ്മദ്‌ റാസിഫ് |
| ജോണർ | ആക്ഷൻ, അഡ്വെഞ്ചർ, കോമഡി |
ആദ്യ രണ്ടു ഭാഗങ്ങളുടെ വമ്പൻ വിജയത്തിനു ശേഷം പ്രേക്ഷകരെ ആകാംക്ഷയുടെ മുൾമുനയിൽ നിർത്താനും പൊട്ടിച്ചിരിപ്പിക്കാനും വേണ്ടി “ക്വിൻ ഫെങും” അമ്മാവൻ “ടാങ് റെനും” മൂന്നാം ഭാഗവുമായി എത്തിയിരിക്കുകയാണ്. ഇത്തവണ ഇവർക്കൊപ്പം ആക്ഷൻ സിനിമാ ആരാധകരുടെ പ്രിയതാരം “ടോണി ജാ” കൂടി ചേർന്നതോടെ 2021 ൽ പുറത്തിറങ്ങിയ ഡിറ്റക്ടീവ് ചൈനാടൗൺ 3 എന്ന പേരിലിറങ്ങിയ മൂന്നാം ഭാഗം ചൈനീസ് ബോക്സ് ഓഫീസ് തൂത്തൂവാരുകയായിരുന്നു.
തായ്‌ലാന്റിലെയും, അമേരിക്കയിലെയും നിർത്താതെയുള്ള ഓട്ടത്തിനു ശേഷം, ടാങ് റെന്നും, ക്വിൻ ഫെങും കൂടി നോഡ ഹിരോഷിയുടെ ക്ഷണം സ്വീകരിച്ച് ജപ്പാനിലേക്ക് വണ്ടി കയറുകയാണ്. ലക്ഷ്യം കേസന്വേഷണം ആണെങ്കിലും രണ്ട് പേർക്കും ഇവിടെയും ഓട്ടത്തിന് ഒരു കുറവുമില്ല. അവരോടൊപ്പം ടോക്കിയോയുടെ രാജകുമാരൻ എന്ന് സ്വയം അവകാശപ്പെടുന്ന നോഡ ഹിരോഷിയും, തായ്ലാന്റിന്റെ സ്വന്തം റാബിഡ് ഡോഗായ, ജാക്ക് ജായും ചേരുന്നു. ഒപ്പം രണ്ട് മാഫിയകളും. എല്ലാ വിഭാഗം സിനിമാ ആരാധകരേയും തൃപ്തിപ്പെടുത്തുന്ന സിനിമ, കോമഡി രംഗങ്ങളാലും ത്രില്ലിംഗ്, ആക്ഷൻ രംഗങ്ങളാലും മുന്നേ ഇറങ്ങിയ രണ്ട് ഭാഗത്തിന് ഒപ്പം നിൽക്കുന്നുണ്ട്.