എംസോൺ റിലീസ് – 3031
ക്ലാസിക് ജൂൺ 2022 – 09
| ഭാഷ | ഇംഗ്ലീഷ് |
| സംവിധാനം | Edgar G. Ulmer |
| പരിഭാഷ | പ്രശോഭ് പി. സി. |
| ജോണർ | ക്രൈം, ഡ്രാമ |
അമേരിക്കൻ ക്ലാസിക്ക് ത്രില്ലറുകളിൽ ഏറ്റവും പ്രശസ്തമായ ചിത്രങ്ങളിലൊന്നാണ് ഡീറ്റൂർ. ഒരുമണിക്കൂർ ഏഴ് മിനിറ്റ് മാത്രം ദൈർഘ്യമുള്ള ഈ ചിത്രം കെട്ടുറപ്പുള്ള മികച്ച തിരക്കഥയിലൂടെ ഒരു ത്രില്ലിങ് അനുഭവം സമ്മാനിക്കും.
ക്ലബ്ബിൽ പിയാനോ വായിച്ച് ഉപജീവനം കഴിക്കുന്നയാളാണ് ആൽ റോബർട്ട്സ്. ക്ലബ്ബിലെ തന്നെ ഗായികയായ സൂ എന്ന യുവതിയുമായി അയാൾ പ്രണയത്തിലാണ്. ഒരിക്കൽ, താൻ ഹോളിവുഡിലേക്ക് ചാൻസ് തേടി പോകുകയാണെന്ന് സൂ ആലിനെ അറിയിക്കുന്നു. അവളെ പിരിയുന്നതിൽ വിഷമമുണ്ടെങ്കിലും, അവളുടെ ഭാവിയെക്കരുതി ആൽ സമ്മതിക്കുന്നു. സൂവിനെ പിരിഞ്ഞ ആൽ വിഷമത്തിലാകുന്നു. എങ്ങനെയെങ്കിലും ഹോളിവുഡിലെത്തി അവളെ കാണാൻ ആൽ തീരുമാനിക്കുന്നു. പക്ഷേ ഇത്ര ദൂരേക്കുള്ള യാത്രക്ക് വഴിച്ചെലവിനുള്ള കാശ് പോലും ആലിൻ്റെ കൈയ്യിലില്ല. ലിഫ്റ്റ് ചോദിച്ച് പോകുക എന്ന ഒറ്റ മാർഗമേ അയാളുടെ മുമ്പിലുള്ളൂ. ഒടുവിലൊരു കാർ അയാളുടെ മുമ്പിൽ നിർത്തുന്നു. പിന്നീടുള്ള യാത്ര ആൽ വിചാരിച്ചതു പോലെ ആയിരുന്നില്ല.