എംസോൺ റിലീസ് – 3194
| ഭാഷ | കൊറിയൻ |
| സംവിധാനം | Woo-ri Bang |
| പരിഭാഷ | സജിത്ത് ടി. എസ് |
| ജോണർ | ഡ്രാമ, റൊമാൻസ് |
തനിക്കൊരു കൊറിയർ വന്നിട്ടുണ്ടെന്ന്, ജോലി സ്ഥലത്ത് നിക്കുമ്പോഴാണ് അച്ഛൻ ബൊ-റായെ വിളിച്ചു പറയുന്നത്. വീട്ടിലേക്ക് പോയിട്ട് നാളുകൾ കുറച്ചായി, കൂടാതെ അച്ഛന്റെ പരാതി പറച്ചിലും കൂടിയായപ്പോൾ അവൾ പോകാമെന്നു വിചാരിച്ചു.
വീട്ടിലെത്തി അവൾ തനിക്ക് വന്ന കൊറിയർ കാണുന്നു. അതിനകത്തെ സാധനം കണ്ടപ്പോൾ, തന്റെ ഹൈസ്കൂൾ കാലമായ 1999 ലേക്ക് അവളുടെ ഓർമ്മകൾ പോകുന്നു. ബൊ-റായുടെ ഉറ്റ സുഹൃത്താണ് യോൻ-ദൂ. അവളുടെ ഹാർട്ട്‌ സർജറിക്ക് അമേരിക്കയിലേക്ക് പോകാനുള്ള സമയമായിട്ടും, അവളെ കാണാനില്ല. കാര്യം ചെന്ന് ചോദിച്ചപ്പോൾ തനിക്ക് ഒരാളെ ഇഷ്ടമായെന്നാണ് യോൻ-ദൂ മറുപടി പറഞ്ഞത്. സർജറിക്ക് പോകുന്ന സമയത്ത്, അവന്റെ മുഴുവൻ ഡീറ്റെയിൽസും, മറ്റ് കാര്യങ്ങളും email വഴി അവൾക്ക് എത്തിച്ചു കൊടുക്കാമെന്ന് ബൊ-റാ, യോൻ-ദൂവിന് വാക്ക് കൊടുക്കുന്നു. അങ്ങനെ ബൊ-റാ ഉറ്റ സുഹൃത്തിനായി അവന്റെ പിന്നാലെയുള്ള നടത്തം തുടങ്ങുന്നു…
Comedy, Romance, Friendship എന്നിവയ്ക്ക് മുൻഗണന കൊടുത്ത ഈ സിനിമയിൽ Kim Yoo-Jung, Byeon Woo-Seok, Roh Yoon-Seo എന്നിവരാണ് പ്രധാന കഥാപാത്രങ്ങളായി എത്തുന്നത്. Cameo റോളിലൂടെ കൊറിയൻ പ്രേമികളുടെ ഇഷ്ടതാരമായ Han Hyo-Joo വും എത്തുന്നു.