Amrum
അമ്രും (2025)

രണ്ടാം ലോകമഹായുദ്ധത്തിന്റെ അവസാനനാളുകളിൽ കൊടുങ്കാറ്റ് വീശിയ അമ്രൂം തീരത്ത് നാനിംഗ് എന്ന പിഞ്ചുബാലൻ തന്റെ കുടുംബത്തെ ചേർത്തുപിടിക്കാനായി നന്നേ കഷ്ടപ്പെട്ടിരുന്നു. ദാരിദ്ര്യത്തിന്റെയും പട്ടിണിയുടെയും അവസ്ഥാന്തരങ്ങളിൽ ക്ഷയിച്ചുതുടങ്ങുന്ന നാസീമൂല്യങ്ങൾക്കിടയിലെ നേർത്തബിന്ദുവിലായിരുന്നു അവന്റെ നിഷ്കളങ്ക ബാല്യവും തീക്ഷ്ണമായ യാഥാർത്ഥ്യവും പരസ്പരം പോരടിച്ചത്. നിരാശയിലാഴ്ന്നുപോയ അമ്മയെ സാന്ത്വനിപ്പിക്കുന്നതിനും കുടുംബത്തിലേക്ക് സ്വസ്ഥത തിരിച്ചെത്തിക്കുന്നതിനുമായി അവൻ യാത്ര തുടങ്ങുകയാണ്. അതിജീവനത്തിന്റെ പാതയിൽ കണ്ടുമുട്ടിയ പുതിയ ജീവിതങ്ങളിലൂടെ ചില തിരിച്ചറിവുകൾ നേടുന്നു. അവൻ വളർന്നുവന്ന ലോകത്തെ പറ്റി അവനെ കൂടുതൽ ചിന്തിപ്പിക്കുന്നു.

2026 ബവേറിയൻ ഫിലിം അവാർഡ്സിൽ മികച്ച ചിത്രമായി തെരഞ്ഞെടുക്കപ്പെട്ടതാണ് അമ്രും എന്ന ഈ ഫാത്തിഹ് അക്കിൻ ചിത്രം.