എം-സോണ്‍ റിലീസ് – 835
| ഭാഷ | ഇംഗ്ലീഷ് |
| സംവിധാനം | Anthony Russo, Joe Russo |
| പരിഭാഷ | ശ്രീധർ |
| ജോണർ | ആക്ഷൻ, അഡ്വെഞ്ചർ, ഫാന്റസി |
മാർവെൽ സിനിമാറ്റിക് യൂണിവേഴ്‌സിലെ 19മത്തെ ചിത്രവും അവഞ്ചേഴ്‌സ് സീരീസിലെ മൂന്നാമത്തേതുമാണ് ഇൻഫിനിറ്റി വാർ. 2008ൽ തുടങ്ങി പരസ്പരബന്ധിതങ്ങളായ 18 സിനിമകളിലൂടെ വളർന്ന സീരീസിലെ ഏറ്റവും ചെലവേറിയതും അതെ സമയം കാശുവാരിയതുമായ ചിത്രമാണ് ഇത്. പല സിനിമകളിലായി പരിചയപ്പെടുത്തിയ ഒട്ടനവധി നായക-വില്ലൻ കഥാപാത്രങ്ങളുടെയും കഥാതന്തുക്കളുടെയും ഒത്തുചേരലാണ് ഇൻഫിനിറ്റി വാർ.
പ്രപഞ്ചത്തിൽ സമനില തിരിച്ചു കൊണ്ടുവരാനായി പകുതി ജീവജാലങ്ങളെ നശിപ്പിക്കാനുള്ള പദ്ധതിയുമായി നടക്കുന്ന താനോസ് അതിനായി ഇൻഫിനിറ്റി കല്ലുകൾ എന്ന് വിളിക്കപ്പെടുന്ന 6 വിശേഷ കല്ലുകൾ അന്വേഷിച്ച് നടക്കുകയാണ്. അത് താനോസിന്റെ കൈയ്യിൽ കിട്ടിയാൽ വൻ നാശനഷ്ടങ്ങൾ ഉണ്ടാകുമെന്ന് ബോധ്യമുള്ള സൂപ്പർഹീറോക്കൾ അയാളെ എതിർക്കാൻ തയ്യാറെടുക്കുകയാണ്.
പ്രേക്ഷകരെ ഉദ്വേഗത്തിന്റെ മുൾമുനയിൽനിർത്തി അവസാനിക്കുന്ന ഈ ചിത്രത്തിന്റെ ഇതുവരെ പേരിടാത്ത രണ്ടാം ഭാഗം (2019) മേയ് മാസം ഇറങ്ങും.