എംസോൺ റിലീസ് – 3227
| ഭാഷ | കൊറിയൻ |
| സംവിധാനം | Park Hoon-jung |
| പരിഭാഷ | വിഷ്ണു ഷാജി |
| ജോണർ | ആക്ഷൻ, ക്രൈം, ഡ്രാമ |
ഗ്യാങ്ങ്സ്റ്ററായുള്ള ജീവിതം തിരഞ്ഞെടുത്താൽ നമ്മൾ മാത്രമല്ല, നമ്മളെ സ്നേഹിക്കുന്നവരും അനുഭവിക്കേണ്ടി വരും. Park Hoon-jung-ന്റെ സംവിധാനത്തിൽ 2020-ൽ പുറത്തിറങ്ങിയ ‘നൈറ്റ് ഇൻ പാരഡൈസ്’ എന്ന ചിത്രം പറയുന്നതും അതു തന്നെയാണ്.
യാങ് ദൊ-സൂവിന്റെ മാഫിയ സംഘത്തിലെ വലംകൈ ആയിരുന്ന പാർക്ക്‌ തേ-ഗു, തന്റെ കുടുംബത്തിനെ ആക്രമിച്ചതിന് ബുക്സോങ് ഗ്യാങ്ങിന്റെ ചെയർമാനായ ദൊയെ തിരിച്ചാക്രമിക്കുന്നു. അതിന്റെ പേരിൽ റഷ്യയിലേക്ക് ഒളിവിൽ പോകേണ്ടി വരുന്ന പാർക്കിന് കുറച്ചു നാൾ ജേജു ഐലന്റിൽ കുതോയ്ക്കും, അനന്തിരവൾ കിം ജേ-യോനും ഒപ്പം താമസിക്കേണ്ടി വരുന്നു. അവിടേക്ക് പാർക്കിനെ കൊല്ലാൻ ചെയർമാൻ ദൊയുടെ വലംകൈയായ ഡയറക്ടർ മാ സാങ്-ഗിൽ കൂടി വരുന്നതോടെ ചോരക്കളി നിറഞ്ഞ ആക്ഷൻ ചിത്രമായി ‘നൈറ്റ് ഇൻ പാരഡൈസ്’ മാറുന്നു.
ഐ സോ ദി ഡെവിൾ (2010), മിഡ്നൈറ്റ് FM (2010), സ്പെൽബൗണ്ട് (2011) തുടങ്ങിയ ചിത്രങ്ങളിലൂടെ സുപരിചിതനായ Uhm Tae-goo വും, വിൻസെൻസോ (2021) എന്ന കെ-ഡ്രാമയിലൂടെ പ്രിയങ്കരിയായ Jeon Yeo-been ഉം തകർത്തഭിനയിച്ച ഈ ചിത്രം ആക്ഷൻ പ്രേമികൾ ഒരിക്കലും മിസ്സ്‌ ആക്കരുത്.