• Skip to primary navigation
  • Skip to main content
  • Skip to footer
എംസോൺ

എംസോൺ

ലോകസിനിമയുടെ മലയാള ജാലകം

  • പരിഭാഷകൾ
    • സീരീസുകൾ
    • Advanced Filter
    • പരിഭാഷ ഡൗൺലോഡുകൾ
  • സംശയങ്ങൾ
    • എംസോൺ സബ് എഡിറ്റർ ആപ്ലിക്കേഷൻ
    • കുറിപ്പുകൾ
    • വിശദീകരണങ്ങൾ
  • ഫെസ്റ്റുകൾ
  • മലയാളസിനിമകൾ
  • പരിഭാഷകൾ അയക്കാൻ
    • ആദ്യമായി അയക്കുന്നവർക്ക്
    • സബ്ടൈറ്റിൽ സ്റ്റാറ്റസ്
    • നമ്മുടെ പരിഭാഷകർ
  • ഞങ്ങളെക്കുറിച്ച്

Pihu / പിഹു (2018)

March 12, 2019 by Shyju S

എം-സോണ്‍ റിലീസ് – 1029

ഹിന്ദി ഹഫ്ത II

പോസ്റ്റർ :  ഷൈജു എസ്
ഭാഷഹിന്ദി
സംവിധാനംKapri Vinod
പരിഭാഷസുനിൽ നടക്കൽ
ജോണർഡ്രാമ, ത്രില്ലർ

6.7/10

Download

“എല്ലാ മാതാപിതാക്കളും ഒരു കുഞ്ഞിനെ അര്‍ഹിക്കുന്നില്ല”. ‘പിഹു’ കണ്ടു കഴിയുമ്പോള്‍ പ്രേക്ഷകരുടെ മനസ്സില്‍ വരുന്ന തോന്നല്‍ ഇതായിരിക്കും. ഒരു രണ്ടു വയസ്സുകാരിയുടെ ദിനചര്യകള്‍ മാത്രം ഒരു സിനിമയില്‍ കാണിച്ചാല്‍ പ്രേക്ഷകന്‍ എത്ര മാത്രം താല്‍പ്പര്യത്തോടെ കണ്ടിരിക്കും? എന്നാല്‍ ഒന്നര മണിക്കൂര്‍ ദൈര്‍ഘ്യം ഉള്ള ‘പിഹു’ സ്ക്രീനില്‍ നിന്നു കണ്ണെടുക്കാതെ കണ്ടുതീര്‍ക്കാനാവില്ല. ഇടയ്ക്ക് പ്രേക്ഷകനില്‍ ഭീതി ഉളവാക്കും. ഇടയ്ക്ക് വിഷമം തോന്നിക്കും. ഇടക്ക് ആശ്വാസത്താല്‍ നെടുവീര്‍പ്പിടുവിക്കും. അതെ ‘പിഹു’ ഒരു വ്യത്യസ്ത ചിത്രമാണ്. പ്രേക്ഷകരെ – പ്രത്യേകിച്ചും കുട്ടികള്‍ ഉള്ളവരെ – അല്‍പ്പമൊക്കെ ഭയപ്പെടുത്തുന്ന ഒന്ന്.


അവളുടെ രണ്ടാമത്തെ പിറന്നാള്‍ പാര്‍ട്ടിയ്ക്ക് ശേഷം ഉറക്കമുണരുന്ന ഓമനത്തം തുളുമ്പുന്ന ‘പിഹു’ എന്ന രണ്ടു വയസ്സുകാരി ആ വീട്ടില്‍ താന്‍ ഒറ്റയ്ക്കാണെന്ന് മനസ്സിലാക്കുന്നു. അമ്മ അടുത്ത് തന്നെ ഉണ്ടെങ്കിലും അവള്‍ ‘പ്രായോഗികമായി’ ഒറ്റയ്ക്ക് ആണ്. കാരണം, അമ്മ മരണപ്പെട്ടിരിക്കുന്നു. പിതാവ് ആണെങ്കില്‍ കൊല്‍ക്കത്തയിലേക്ക് പോയിരിക്കുന്നു. ആ വീടിന്‍റെ വാതിലിനപ്പുറമുള്ള ലോകം ഇതൊന്നും അറിയുന്നില്ല. അവള്‍ ജീവിക്കുന്ന കെട്ടിടത്തിലുള്ള അയല്‍വാസികളും അത് മനസ്സിലാക്കുന്നില്ല. സമകാലത്തെ അയല്‍ബന്ധങ്ങളിലെ ദൃഢതയില്ലായ്മയും ചിത്രം പറഞ്ഞു വെക്കുന്നുണ്ട്.


ഒരു രണ്ടു വയസ്സുകാരി അവളുടെ കാര്യങ്ങള്‍ ഒറ്റയ്ക്ക് ചെയ്യുമ്പോള്‍ അപകടങ്ങള്‍ ഏറെ ഉണ്ടാകാം. പ്രേക്ഷകനെ സംഭ്രമിപ്പിക്കുന്ന ഒരുപാട് നിമിഷങ്ങള്‍ നിറഞ്ഞ ഒരു ചിത്രമാണ് ‘പിഹു’. പിഹുവിനെ അനായസേന അവതരിപ്പിച്ച ‘പിഹു വിശ്വകര്‍മ’ എന്ന കുഞ്ഞഭിനേത്രി പ്രേക്ഷകമനസ്സുകളില്‍ ഏറെക്കാലം മായാതെ നില്‍ക്കും.

അഭിപ്രായങ്ങൾ പങ്കുവെക്കാൻ

Filed Under: Drama, Hindi, Hindi Haftha, Thriller Tagged: Sunil Nadakkal

Footer

Disclaimer: Msone is a non-profit initiative. Msone do not support or propogate piracy. It is only a platform for providing Malayalam subtitles to other language films. The site do not share files of movies in any form. If you have any objection about any of the posters uploaded on this site you can reach us on this email: [email protected]