എം-സോണ്‍ റിലീസ് – 2563
| ഭാഷ | കൊറിയൻ |
| സംവിധാനം | Seo Yoo-min |
| പരിഭാഷ | തൗഫീക്ക് എ |
| ജോണർ | ഡ്രാമ, മിസ്റ്ററി, ത്രില്ലർ |
ഏറെ കാത്തിരിപ്പുകൾക്ക് ശേഷം 2021 ൽ പുറത്തിറങ്ങിയ കൊറിയൻ മിസ്റ്ററി ത്രില്ലർ ചിത്രമാണ് റീകോൾഡ്. ഒരു ഹൈക്കിംഗിനിടെ സംഭവിച്ച ആക്‌സിഡന്റിന് ശേഷം സൂ ജിന് അവളുടെ ഓർമകൾ നഷ്ടമായി. ശേഷം അവളുടെ ഭർത്താവിനോപ്പം ഹോസ്പിറ്റലിൽ നിന്ന് വീട്ടിലേക്ക് മടങ്ങിവരുന്നിടത്താണ് കഥ തുടങ്ങുന്നത്. നേരത്തെ തീരുമാനിച്ച പോലെ കാനഡയിലേക്ക് മാറിത്താമസിക്കാനുള്ള ഒരുക്കങ്ങൾ ചെയ്തുതുടങ്ങുന്നു. ഇതിനിടയിലാണ് ഭാവിയിൽ നടക്കുന്ന അപകടങ്ങൾ മുൻകൂട്ടി കാണാനുള്ള ശക്തി സൂ ജിന് ലഭിക്കുന്നത്. താൻ ആരായിരുന്നു, തനിക്കെന്താണ് പറ്റിയത്, എന്നുള്ള സംശയങ്ങൾ തീർക്കാൻ സൂ ജിൻ ഇറങ്ങി തിരിക്കുന്നതോടെ കഥ ട്രാക്കിലേക്ക് കയറുന്നു.
ഏതൊരു സിനിമാപ്രേമിയെയും പിടിച്ചിരുത്തുന്ന കഥാഗതിയും അപ്രതീക്ഷിതമായ ട്വിസ്റ്റുകളും കൊണ്ട് മുന്നേറുന്ന സിനിമ മികച്ചൊരു ക്ലൈമാക്സും സമ്മാനിക്കുന്നു. മികച്ച അഭിനയ മുഹൂർത്തങ്ങൾ കൊണ്ട് ചിത്രം നിരൂപക പ്രശംസ പിടിച്ചുപറ്റി.