• Skip to primary navigation
  • Skip to main content
  • Skip to footer
എംസോൺ

എംസോൺ

ലോകസിനിമയുടെ മലയാള ജാലകം

  • പരിഭാഷകൾ
    • സീരീസുകൾ
    • Advanced Filter
    • പരിഭാഷ ഡൗൺലോഡുകൾ
  • സംശയങ്ങൾ
    • എംസോൺ സബ് എഡിറ്റർ ആപ്ലിക്കേഷൻ
    • കുറിപ്പുകൾ
    • വിശദീകരണങ്ങൾ
  • ഫെസ്റ്റുകൾ
  • മലയാളസിനിമകൾ
  • പരിഭാഷകൾ അയക്കാൻ
    • ആദ്യമായി അയക്കുന്നവർക്ക്
    • സബ്ടൈറ്റിൽ സ്റ്റാറ്റസ്
    • നമ്മുടെ പരിഭാഷകർ
  • ഞങ്ങളെക്കുറിച്ച്

The Double Lover / ദി ഡബിള്‍ ലവര്‍ (2017)

March 7, 2019 by Asha

എം-സോണ്‍ റിലീസ് – 1019

പോസ്റ്റർ : പ്രവീൺ അടൂർ
ഭാഷഫ്രഞ്ച്
സംവിധാനംFrançois Ozon
പരിഭാഷസിനിഫൈൽ
ജോണർഡ്രാമ, റൊമാൻസ്, ത്രില്ലർ

6.2/10

Download

മോഡലിംഗ് ലോകത്തെ ക്ഷണികമായ ഗ്ലാമറില്‍ മടുത്ത്, ഒരു മ്യൂസിയത്തിൽ പാർട് ടൈം ജോലിക്കാരിയായ ക്ലോയെ; മാനസികമായി ദുർബ്ബലയായ ഒരു പെൺകുട്ടിയാണ്. തന്‍റെ വിട്ടുമാറാത്ത വയറുവേദനയ്ക്ക് പരിഹാരം തേടി ഒരുപാട് ഡോക്ടർമാർക്ക് ശേഷം കണ്ടുമുട്ടുന്ന മനോരോഗചികിത്സകനായ പോൾ മെയറുമായി അവള്‍ പ്രണയത്തിലാകുന്നു. അയാൾക്കൊപ്പം താമസിക്കാൻ തുടങ്ങിയ അവള്‍, പോളിന്‍റെ സ്വകാര്യ ജീവിതത്തിലെ, തനിക്കു മുന്നിൽ മറച്ചുവെക്കപ്പെട്ട ചില രഹസ്യങ്ങൾ കണ്ടെത്തുന്നതോടെ ചിന്താക്കുഴപ്പത്തിലാകുന്നു. പോളാണെങ്കിൽ, അവളുടെ ചോദ്യങ്ങളിൽ നിന്നും ഒഴിഞ്ഞുമാറാൻ ആരംഭിച്ചതോടെ, രഹസ്യങ്ങൾ അന്വേഷിച്ച് നേരിട്ടിറങ്ങിത്തിരിച്ച ക്ലോയെയുടെ ജീവിതം അതോടെ മാറിമറിയുകയാണ്. ഒപ്പം പോളിന്‍റെയും.

തുറന്ന നഗ്നതയാലും ലൈംഗിക രംഗങ്ങളാലും സമൃദ്ധമായ ചിത്രത്തിൽ, അവസാനത്തേക്കടുക്കുമ്പോൾ സംവിധായകൻ ചില ട്വിസ്റ്റുകൾ കരുതിവെച്ചിട്ടുണ്ട്. ഇറോട്ടിക് സൈക്കോളജിക്കല്‍ ഡ്രാമ വിഭാഗത്തിൽപ്പെടുന്ന ഈ സിനിമ നിരൂപകപ്രശംസ നേടിയിരുന്നു.

8 വിമന്‍ (2002), സ്വിമ്മിംഗ്പൂള്‍ (2003), ബൈ ദി ഗ്രെയ്സ് ഓഫ് ഗോഡ് (2018) തുടങ്ങിയ ചിത്രങ്ങളുടെ സംവിധായകനായ ഫ്രാന്‍സോവ ഓസോണ്‍, പുതിയ ഫ്രഞ്ച് ‘നവതരംഗ’ സംവിധായകരിൽ പ്രധാനിയാണ്. ജോയ്സ് കരോള്‍ ഓട്ട്സിന്‍റെ ‘ലൈവ്സ്‌ ഓഫ് ദി ട്വിന്‍സ്’ എന്ന നോവലിനെ ആധാരമാക്കി നിർമ്മിക്കപ്പെട്ട ‘ഡബിള്‍ ലവര്‍’ (L’amant Double) ന് 2017 ലെ കാൻ ഫിലിം ഫെസ്റ്റിവലിൽ ‘പാം ഡിഓര്‍’ പുരസ്കാരത്തിന് നാമനിർദ്ദേശം ലഭിച്ചിരുന്നു.

അഭിപ്രായങ്ങൾ പങ്കുവെക്കാൻ

Filed Under: Drama, French, Romance, Thriller Tagged: Cinephile

Footer

Disclaimer: Msone is a non-profit initiative. Msone do not support or propogate piracy. It is only a platform for providing Malayalam subtitles to other language films. The site do not share files of movies in any form. If you have any objection about any of the posters uploaded on this site you can reach us on this email: [email protected]