Cleopatra
ക്ലിയോപാട്ര (1963)

എലിസബത്ത് ടെയ്ലർ ക്ലിയോപാട്രയായി നിറഞ്ഞാടിയ ഹോളിവുഡ് ചിത്രം. ലോകത്ത് അതുവരെ ഇറങ്ങിയതിൽ വെച്ച് ഏറ്റവും ചെലവേറിയ ചിത്രമായിരുന്നു ക്ലിയോപാട്ര. ഒരു ബ്രഹ്മാണ്ഡ ചിത്രത്തിനു വേണ്ട എല്ലാ ചേരുവകളുമായി ഇറങ്ങിയ ചിത്രത്തിന്റെ നിർമാണച്ചെലവ് അക്കാലത്ത് ഹോളിവുഡിന് പോലും താങ്ങാൻ പറ്റാത്തതായിരുന്നു. ആ പതിറ്റാണ്ടിലെ ഏറ്റവും കളക്ഷൻ നേടിയ ചിത്രങ്ങളിലൊന്നായിട്ടും, ട്വന്റിയത് സെഞ്ചുറി ഫോക്സിന് സാമ്പത്തിക ബാധ്യതയിൽ നിന്ന് കരകയറാൻ വർഷങ്ങളെടുത്തു.
റോമൻ ചരിത്രത്തിലെ ഏറ്റവും സംഭവബഹുലമായ ചരിത്രമാണ് ചിത്രം പറയുന്നത്. മികച്ച ഛായാഗ്രഹണം, വിഷ്വൽ ഇഫക്ട്‌സ് എന്നിവയടക്കം നാല് ഓസ്‌കാർ പുരസ്‌കാരങ്ങൾ നേടി.