Dune: Part Two
ഡ്യൂൺ: പാർട്ട് ടൂ (2024)

1965-ൽ പുറത്തിറങ്ങിയ ഫ്രാങ്ക് ഹെർബർട്ടിൻ്റെ അതേ പേരിലുള്ള നോവലിന്റെ ചലച്ചിത്രാവിഷ്കാരത്തിന്റെ രണ്ടാം ഭാഗമാണ് 2024-ൽ പുറത്തിറങ്ങിയ ഡെനി വിൽനേവ് സംവിധാനം ചെയ്ത ഡ്യൂൺ: പാർട്ട് ടൂ.

ഒന്നാം ഭാഗം നിർത്തിയ ഇടത്ത് നിന്നാണ് രണ്ടാം ഭാഗത്തിൻ്റെ കഥ തുടരുന്നത്. അറാക്കിസ്സിലെ ഹാർക്കോനൻ ആക്രമണത്തിൽ നിന്നും രക്ഷപ്പെട്ട് മരുഭൂമിയിലേക്ക് പോയ പോളും അമ്മ ജെസിക്കയും മരുഭൂമിയിലെ നിവാസികളായ ഫ്രെമനെ കണ്ടുമുട്ടുന്നു. ശേഷം പോൾ അവരുടെ കൂടെ ചേർന്ന് തനിക്ക് നഷ്ടപ്പെട്ടതെല്ലാം തിരിച്ച് പിടിക്കാനും, തൻ്റെ അച്ഛനെ ചതിച്ചു കൊന്നവരോട് പ്രതികാരം വീട്ടാനും ശ്രമിക്കുന്നതാണ് രണ്ടാം ഭാഗത്തിൻ്റെ ഇതിവൃത്തം.

ഒട്ടേറെ നിരൂപക ശ്രദ്ധ പിടിച്ച് പറ്റിയ ചിത്രം ബോക്സ് ഓഫീസിലും വിജയം നേടുകയുണ്ടായി.