• Skip to primary navigation
  • Skip to main content
  • Skip to footer
എംസോൺ

എംസോൺ

ലോകസിനിമയുടെ മലയാള ജാലകം

  • പരിഭാഷകൾ
    • സീരീസുകൾ
    • Advanced Filter
    • പരിഭാഷ ഡൗൺലോഡുകൾ
  • സംശയങ്ങൾ
    • എംസോൺ സബ് എഡിറ്റർ ആപ്ലിക്കേഷൻ
    • കുറിപ്പുകൾ
    • വിശദീകരണങ്ങൾ
  • ഫെസ്റ്റുകൾ
  • മലയാളസിനിമകൾ
  • പരിഭാഷകൾ അയക്കാൻ
    • ആദ്യമായി അയക്കുന്നവർക്ക്
    • സബ്ടൈറ്റിൽ സ്റ്റാറ്റസ്
    • നമ്മുടെ പരിഭാഷകർ
  • ഞങ്ങളെക്കുറിച്ച്

Halloween / ഹാലോവീൻ (1978)

June 20, 2021 by Vishnu

എം-സോണ്‍ റിലീസ് – 2627

ക്ലാസ്സിക് ജൂൺ 2021 – 11

പോസ്റ്റർ: അഷ്‌കർ ഹൈദർ
ഭാഷഇംഗ്ലീഷ്
സംവിധാനംJohn Carpenter
പരിഭാഷഎൽവിൻ ജോൺ പോൾ
ജോണർഹൊറർ, ത്രില്ലർ

7.7/10

Download

“ആ കണ്ണുകളുടെ പിന്നില്‍ ജീവിച്ചിരുന്നത് ശുദ്ധമായ തിന്മ മാത്രമാണ്.”

1978ല്‍ റിലീസ് ചെയ്ത ജോണ്‍ കാര്‍പെന്റര്‍ സംവിധാനം ചെയ്ത ഹോളിവുഡ് ഹൊറര്‍ ചലച്ചിത്രമാണ് ‘ഹാലോവീന്‍’ ഹൊറര്‍ ജോണറിലെ വളരെയധികം ജനപ്രീതിയുള്ള സബ് ജോണറായ “സ്ലാഷര്‍” ചിത്രങ്ങളുടെ തല തൊട്ടപ്പനായാണ് ഹാലോവീന്‍ എന്ന സിനിമയെ വാഴ്ത്തുന്നത്.

ഒരു ഹാലോവീന്‍ രാത്രിയില്‍ ഹാഡോണ്‍ ഫീല്‍ഡ് എന്ന ചെറു പട്ടണത്തില്‍ മൈക്കിള്‍ മായേര്‍സ് തന്റെ കുടുംബത്തിലെ ഒരു അംഗത്തെ കൊല്ലുന്ന രംഗത്തിലൂടെയാണ് ചിത്രം തുടങ്ങുന്നത്. തുടര്‍ന്ന് പിടിക്കപ്പെടുന്ന മൈക്കിള്‍ 15 വര്‍ഷങ്ങള്‍ക്ക് ശേഷം വീണ്ടുമൊരു ഹാലോവീന്‍ രാത്രി രക്ഷപ്പെടുന്നതും തന്റെ കൊലപാതക പരമ്പര തുടരാനായി ഹാഡോണ്‍ ഫീല്‍ഡിലേക്ക് തിരിച്ചെത്തുന്നതുമാണ് കഥാസന്ദര്‍ഭം.

ഹലോവീനിന് മുന്‍പ് വരെ ഹോളിവുഡിലെ മുഖ്യധാരാ ഹൊറര്‍ ചിത്രങ്ങള്‍ “ദി എക്സോര്‍സിസ്റ്റിനെ” പോലെ അമാനുഷിക ശക്തികളെയും, പ്രേതങ്ങളെയും ചുറ്റി പറ്റിയാണ് കഥ പറഞ്ഞിരുന്നത്. ഈ കഥകള്‍ എല്ലാം തന്നെ നടന്നിരുന്നത് വളരെ ഭീതി ജനിപ്പിക്കുന്ന വീടുകള്‍, കോട്ടകള്‍, മാളികകള്‍ തുടങ്ങിയവയില്‍ ആയിരുന്നു. എന്നാല്‍ ഹാലോവീനിലൂടെ കാര്‍പെന്റര്‍ ഈ ഭയത്തെ ഒരു സാധാരണക്കാരന്‍ ജീവിച്ചിരുന്ന വീടുകളിലേക്ക് പറിച്ചു നട്ടു. ഹാഡോണ്‍ ഫീല്‍ഡ് എന്ന പട്ടണം കാണാന്‍ വളരെ സാധാരണമായൊരു അമേരിക്കന്‍ പട്ടണം പോലെയാണ്. അവിടെയാണ് മൈക്കിള്‍ തന്റെ കൊലപാതക പരമ്പര നടത്തുന്നത്. മൈക്കിള്‍ എന്നത് ഇവിടെ ഒരു വില്ലന്‍ എന്നതിലുപരി പൂര്‍ണ്ണമായ തിന്മയുടെ ബിംബവല്‍ക്കരണമാണ്. ഹാലോവീന്‍ ഒരു വന്‍ വിജയമായതിനെ തുടര്‍ന്ന് ഇതേ ഫോര്‍മുലയില്‍ നിരവധി സിനിമകള്‍ ഇറങ്ങുകയും, എന്തിന് ഹാലോവീന്‍ വരെ ഒരു
ഫ്രാഞ്ചൈസ് ആയി മാറുകയും ചെയ്തു. ഈ ചിത്രങ്ങള്‍ എല്ലാം തന്നെ വളരെ പെട്ടെന്ന് എന്തെല്ലാം വ്യത്യസ്തമായ രീതികളില്‍ വില്ലന്മാരെ കൊണ്ട് ആളുകളെ കൊല്ലിപ്പിക്കാം എന്നതിലേക്ക് മാത്രം ഒതുങ്ങുകയുണ്ടായി. പക്ഷേ, ഹാലോവീന്‍ പരമ്പരയിലെ ആദ്യ ചിത്രം ഇന്നും ഒരു ക്ലാസിക്കായി നിലകൊള്ളുന്നു. എന്ത് കൊണ്ട് എന്നറിയാന്‍ സിനിമ കാണുക.

അഭിപ്രായങ്ങൾ പങ്കുവെക്കാൻ

Filed Under: Classic June 2021, English, Horror, Thriller Tagged: Elvin John Paul

Footer

Disclaimer: Msone is a non-profit initiative. Msone do not support or propogate piracy. It is only a platform for providing Malayalam subtitles to other language films. The site do not share files of movies in any form. If you have any objection about any of the posters uploaded on this site you can reach us on this email: [email protected]