എംസോൺ റിലീസ് – 3028
ക്ലാസിക് ജൂൺ 2022 – 06
| ഭാഷ | ഇംഗ്ലീഷ് |
| സംവിധാനം | Richard Marquand |
| പരിഭാഷ | പ്രശോഭ് പി. സി. |
| ജോണർ | ഡ്രാമ, മിസ്റ്ററി, ത്രില്ലർ |
ജെഫ് ബ്രിഡ്ജസ്, ഗ്ലെൻ ക്ലോസ് എന്നിവർ മുഖ്യവേഷങ്ങളിലെത്തിയ ലീഗൽ ത്രില്ലറാണ് ജാഗെഡ് എഡ്ജ്.
അറിയപ്പെടുന്ന വ്യവസായിയായ പേജ് ഫോറസ്റ്റർ, സാൻ ഫ്രാൻസിസ്കോയിലെ തൻ്റെ ബീച്ച് ഹൗസിൽ വെച്ച് ക്രൂരമായി കൊല്ലപ്പെടുന്നു. മാസ്ക് ധരിച്ചെത്തിയ കൊലപാതകിയാണ് പേജിനെ കൊല്ലുന്നത്. അധികം വൈകാതെ തന്നെ പേജിൻ്റെ ഭർത്താവ് ജാക്ക് അറസ്റ്റ് ചെയ്യപ്പെടുന്നു.
നിരപരാധിയാണെന്ന നിലപാടിൽ ഉറച്ച് നിൽക്കുന്ന ജാക്ക്, തനിക്കു വേണ്ടി വാദിക്കാൻ ഒരു ക്രിമിനൽ ലോയറെ തിരയുന്നു. മുൻ അസിസ്റ്റൻ്റ് ഡിസ്ട്രിക്റ്റ് അറ്റോർണിയായ ടെഡി ബാൺസിനോട് ജാക്ക് തനിക്കുവേണ്ടി വാദിക്കാൻ ആവശ്യപ്പെടുന്നു. ഇതേ കേസിലെ പ്രോസിക്യൂട്ടറായ ഡിസ്ട്രിക്റ്റ് അറ്റോർണി ക്രാസ്നിയുടെ കീഴിലായിരുന്നു ടെഡി മുമ്പ് ജോലി ചെയ്തിരുന്നത്. അയാളിൽ നിന്നുള്ള ദുരനുഭവങ്ങൾ മൂലം ക്രിമിനൽ കേസുകൾ വാദിക്കുന്നതിൽ നിന്ന് കുറച്ചുകാലമായി വിട്ടുനിൽക്കുകയായിരുന്ന ടെഡി ആദ്യം ഈ കേസ് ഏറ്റെടുക്കാൻ തയ്യാറാകുന്നില്ല. പക്ഷേ സമ്മർദ്ദങ്ങൾ മൂലം ടെഡി കേസ് ഏറ്റെടുക്കുന്നു.
കോടതിയിലെ ചൂടേറിയ വാദപ്രതിവാദങ്ങളാണ് പിന്നെ. കേസിൽ പുതിയ കണ്ടെത്തലുകളും വാദത്തിനിടെ ഉയർന്ന് വരുന്നു.