എം-സോണ്‍ റിലീസ് – 17
| ഭാഷ | ഇംഗ്ലീഷ് |
| സംവിധാനം | Quentin Tarantino |
| പരിഭാഷ | മാജിത് നാസർ |
| ജോണർ | ആക്ഷൻ, ക്രൈം, ത്രില്ലർ |
വിഖ്യാത സംവിധായകൻ ക്വെന്റിൻ ടാരന്റിനോയുടെ നാലാമത്തെ ചലച്ചിത്രമാണ് കിൽ ബിൽ: വാല്യം. 1. ഒരു സാധാരണ പ്രതികാര കഥയെ വളരെ മികച്ച അവതരണം കൊണ്ട് എങ്ങനെ മികവുറ്റതാക്കാം എന്ന് കിൽ ബിൽ കാണിച്ചു തരും. ഗർഭിണിയായ ഒരു യുവതി, 4 വർഷത്തെ കോമയിൽ നിന്നും എഴുന്നേൽക്കുകയാണ്. എന്നാൽ അപ്പോഴേക്കും അവൾക്ക് തന്റെ കുഞ്ഞിനെ എന്നന്നേയ്ക്കുമായി നഷ്ടമായിരുന്നു. തന്റെ കുഞ്ഞിനെ നഷ്ടപ്പെടുത്തിയ ആളുകളോടുള്ള അവളുടെ പ്രതികാരമാണ് ചിത്രത്തിന്റെ പ്രമേയം.
രണ്ടു ഭാഗങ്ങളായി പറഞ്ഞുപോയ ആ കഥയുടെ ഒന്നാം അദ്ധ്യായമാണ്, കിൽ ബിൽ: വാല്യം. 1. ടാരന്റിനോ ചിത്രങ്ങളുടെ പ്രത്യേകതയായ വയലന്റ് രംഗങ്ങൾ കൊണ്ട് സമ്പന്നമാണ് കിൽ ബില്ലും. ഏതാണ്ട് 1700 ലിറ്റർ വ്യാജ രക്തമാണ് രണ്ട് ചിത്രങ്ങളുടെയും ചിത്രീകരണത്തിനായി ഉപയോഗിച്ചതെന്നാണ് പറയപ്പെടുന്നത്. 2003ൽ പുറത്തിറങ്ങിയ ചിത്രം വലിയ സാമ്പത്തിക വിജയവുമായിരുന്നു.
കിൽ ബിൽ: വാല്യം .1 ന്റെ തുടർച്ചയായ കിൽ ബിൽ: വാല്യം. 2
മലയാളം സബ്ടൈറ്റിൽ എംസോണിൽ ലഭ്യമാണ്.