La La Land
ലാ ലാ ലാൻഡ് (2016)

ഡാമിയൻ ചസെൽ തിരക്കഥയും സംവിധാനവും നിർവഹിച്ച് 2016 ൽ
പുറത്തിറങ്ങിയ ഒരു ഹോളിവുഡ് മ്യൂസിക്കൽ റൊമാന്റിക് കോമഡി ചലച്ചിത്രമാണ് ലാ ലാ ലാൻഡ്. റയാൻ ഗോസ്ലിങ്ങ്, എമ്മ സ്റ്റോൺ എന്നിവരാണ് മുഖ്യവേഷങ്ങൾ അവതരിപ്പിച്ചിരിക്കുന്നത്.

വലിയ നടിയാവണം എന്ന മോഹവുമായി ഒരു കോഫി ഷോപ്പിൽ ജോലി ചെയ്യുന്ന പെൺകുട്ടിയാണ് മിയ, സെബാസ്റ്റ്യന്റെ സ്വപ്നമാകട്ടെ സ്വന്തമായൊരു ജാസ് ക്ലബും. ഇരുവരും തങ്ങളുടെ മോഹങ്ങൾ സാക്ഷാത്കരിക്കാൻ ശ്രമിക്കുന്നതിനിടെ ലോസ് ആഞ്ജലസിൽ വച്ച് പരസ്പരം കണ്ടുമുട്ടുകയും പ്രണയത്തിലാകുകയും ചെയ്യുന്നു.

89-ാമത് അക്കാദമി അവാർഡിൽ പതിനാല് ഇനങ്ങളിൽ നാമനിർദ്ദേശം ലാ ലാ ലാൻഡ് നേടുകയുണ്ടായി. മികച്ച നടി, മികച്ച സംവിധായകൻ, മികച്ച ഛായാഗ്രഹണം, മികച്ച ഒറിജിനൽ സ്കോർ, ബെസ്റ്റ് ഒറിജിനൽ സോംഗ് (“സിറ്റി ഓഫ് സ്റ്റാർസ്”), മികച്ച പ്രൊഡക്ഷൻ ഡിസൈൻ എന്നിങ്ങനെ ആറു ഇനങ്ങളിൽ അക്കാദമി അവാർഡുകൾ ഈ ചിത്രം നേടി.