എം-സോണ്‍ റിലീസ് – 183
| ഭാഷ | ഇംഗ്ലീഷ് |
| സംവിധാനം | Luc Besson |
| പരിഭാഷ | നിദർശ് രാജ് |
| ജോണർ | ആക്ഷൻ, ക്രൈം, ഡ്രാമ, |
ലൂക്ക് ബെസ്സൺ സംവിധാനം ചെയ്ത് 1994ൽ പുറത്തിറങ്ങിയ ഹോളിവുഡ് ചലച്ചിത്രമാണ് ‘ലിയോൺ: ദ പ്രൊഫഷണൽ’. ലോകത്തിലെ മികച്ച ക്രൈം-ഡ്രാമകളുടെ കൂട്ടത്തിൽ പെടുന്നതാണ് ഈ വിഖ്യാത ചലച്ചിത്രം. ഒരു മയക്കുമരുന്ന് വിഷയവുമായി ബന്ധപ്പെട്ട് ഒരു സംഘം ഉദ്യോഗസ്ഥ്യന്മാർ ഒരു കുടുംബത്തെ കൂട്ടക്കൊല ചെയ്യുന്നു. ഇതിൽ നിന്നും വഴുതിപ്പോയ മറ്റിൽഡ എന്ന കുട്ടിക്ക് അവളുടെ ഫ്ലാറ്റിന് അടുത്ത് താമസിക്കുന്ന ലിയോൺ എന്ന പ്രൊഫഷണൽ കില്ലർ അഭയം നൽകുന്നു. തന്റെ അമ്മയെയോ അച്ഛനെയോ ചേച്ചിയെയോ കൊന്നതിൽ യാതൊരു സങ്കടവും മറ്റിൽഡയ്ക്കില്ലെങ്കിലും തന്റെ അനിയനെ കൊന്നവർക്ക് മാപ്പുനൽകാൻ അവൾ തയ്യാറാകുന്നില്ല. മറ്റിൽഡയുടെ വ്യത്യസ്തമായ പ്രതികാരത്തേയും ലിയോണുമായുള്ള അതിവ്യത്യസ്തമായ ബന്ധത്തെയും ചുറ്റിപ്പറ്റിയാണ് കഥാഗതി വികസിക്കുന്നത്. ലിയോൺ എന്ന കഥാപാത്രത്തെ ഴാൻ റെനോ അനശ്വരമാക്കി. പിന്നീട് വളരേ ശ്രദ്ധിക്കപ്പെട്ട അഭിനേത്രിയായ നതാലി പോര്‍ട്ട്മാന്റെ അരങ്ങേറ്റം ഈ ചിത്രത്തിലൂടെ ആയിരുന്നു.