എംസോൺ റിലീസ് – 82
| ഭാഷ | ഇംഗ്ലീഷ് |
| സംവിധാനം | Zack Snyder |
| പരിഭാഷ | ഗിരി പി. എസ്. |
| ജോണർ | ആക്ഷൻ, അഡ്വഞ്ചർ, സയൻസ് ഫിക്ഷൻ |
ഡിസി എക്സ്റ്റെൻഡഡ് യൂണിവേഴ്‌സിൽ (DCEU) നിന്ന് പുറത്ത് വരുന്ന ആദ്യ സിനിമയെന്ന ഖ്യാതിയോടെ 2013 യിൽ സാക്ക് സ്‌നൈഡറിന്റെ സംവിധാനത്തിൽ തീയേറ്ററുകളിൽ എത്തിയ ചിത്രമാണ് “മാൻ ഓഫ് സ്റ്റീൽ“.
സൂപ്പർ-മാൻ ഫിലിം സീരീസിന്റെ റീബൂട്ടും സൂപ്പർ-മാന്റെ ഒറിജിൻ കഥയും ആയിരുന്നു മാൻ ഓഫ് സ്റ്റീലിലൂടെ ചിത്രത്തിന്റെ കഥാകൃത്തുക്കളായ ക്രിസ്റ്റഫർ നോളനും ഡേവിഡ് എസ് ഗോയറും പ്രേക്ഷകരോട് പറയാൻ ശ്രമിച്ചത്. മികച്ചൊരു ഒറിജിൻ സ്റ്റോറി തന്നെ അവർക്ക് സൂപ്പർ-മാനിനായി ഒരുക്കാൻ കഴിഞ്ഞു.
തകർച്ചയുടെ വക്കിലെത്തിയ ക്രിപ്റ്റോൺ എന്ന ഗ്രഹത്തിൽ നിന്ന് ഭൂമിയിലേക്ക് എത്തുന്ന കൈകുഞ്ഞായ ക്യാൽ-എലിനെ ഒരു മനുഷ്യ ദമ്പതികൾ എടുത്ത് വളർത്തുന്നു. തുടർന്ന് അവനൊരു അമാനുഷികനാണെന്ന് ആ കുഞ്ഞ് തിരിച്ചറിയുകയും ശേഷം അവൻ നേരിടുന്ന പ്രതിസന്ധികളുമാണ് ചിത്രം കൈകാര്യം ചെയ്യുന്നത്.