എം-സോണ്‍ റിലീസ് – 841
| ഭാഷ | ഇംഗ്ലീഷ് |
| സംവിധാനം | Alexander Witt |
| പരിഭാഷ | സുഭാഷ് ഒട്ടുംപുറം |
| ജോണർ | ആക്ഷൻ, ഹൊറർ, സയൻസ് ഫിക്ഷൻ |
ഒരു ഉപേക്ഷിക്കപ്പെട്ട ആശുപത്രിയി നിന്ന് ഉണരുന്ന ആലീസ് കാണുന്നത് ഉപേക്ഷിക്കപ്പെട്ട നഗരമാണ്. ഹൈവിനുള്ളിൽ നടന്ന സംഭവമന്വേഷിക്കാൻ നിയോഗിക്കപ്പെട്ടവർ ആരും തന്നെ ബാക്കിയില്ല. ഹൈവിൽ നിന്ന് പുറത്തു കടന്ന T- വൈറസ് നഗരം മുഴുവൻ നടമാടാൻ തുടങ്ങിയിരിക്കുന്നു. നഗരവീഥികൾ മരിക്കാത്തവരെ കൊണ്ട് നിറഞ്ഞിരിക്കുന്നു. കാര്യങ്ങൾ കൈവിട്ടു പോയെന്ന് മനസ്സിലാക്കിയ അമ്പർല്ലാ കോർഷറേഷൻ നഗരമുപേക്ഷിക്കാൻ തീരുമാനിക്കുന്നു. അവരുടെ ഉദ്യോഗസ്ഥരെ മാത്രം നഗരത്തിൽ നിന്ന് മാറ്റാൻ അവർ പദ്ധതികൾ ആസൂത്രണം ചെയ്യുന്നു. ഇതിനിടയിലും അവർ പരീക്ഷണങ്ങൾ നിർത്തുന്നില്ല. പക്ഷേ, അമ്പർല്ലയുടെ ഒരു ശാസ്ത്രജ്ഞൻ മാത്രം നഗരം വിടാൻ കൂട്ടാക്കുന്നില്ല. അയാളുടെ മകളെ ഒരു കാറപകടത്തിനു ശേഷം കാണാതായതാണ്. മകളെ കണ്ടെത്താൻ അയാൾ രഹസ്യമായി ശ്രമം നടത്തുന്നു. മകളെ കണ്ടെത്താൻ സഹായിച്ചാൽ ആലീസിനേയും സഹയാത്രികരേയും സുരക്ഷിതമായി നഗരത്തിനു പുറത്തെത്തിക്കാമെന്ന് അയാൾ വാഗ്ദാനം ചെയ്യുന്നു.ആലീസിന് ഇതൊരു പുതിയ നിയോഗമാണ്. അമ്പർല്ല കൂടു തുറന്നു വിട്ട എല്ലാ സത്വങ്ങളോടും പൊരുതാനുറച്ച് അവൾ വീണ്ടും കളത്തിലേക്കിറങ്ങുന്നു.