Taking Lives
ടേക്കിങ് ലൈവ്‌സ് (2004)

ഒരു FBI ഏജന്റായി ആൻജെലിന ജോളി കേന്ദ്ര കഥാപത്രത്തിലെത്തുന്ന ത്രില്ലെർ ചിത്രമാണ് ‘Taking Lives’. വളരെ നിർണായകമായ ഒരു കേസ് അന്വേഷിക്കുന്നതിന്റെ ഭാഗമായിട്ടാണ് ഏജന്റ് സ്കോട്ട് മോണ്ട്റിയലിലേക്ക് എത്തുന്നത്. ആൾക്കാരെ തിരഞ്ഞുപിടിച്ചു കൊലചെയ്തതിനു ശേഷം അവരുടെ ഐഡന്റിറ്റി ഉപയോഗിച്ച് ജീവിക്കുന്ന ഒരു സീരിയൽ കില്ലർ നോർത്ത് അമേരിക്കയിലുള്ളതായി അറിയുന്നു. പോലീസായ ഹ്യൂഗോ ലെക്ലെയറിന് ഈ കാര്യത്തെ കുറിച്ച് അറിയുമെങ്കിലും, അദ്ദേഹത്തിന്റെ അസിസ്റ്റന്റായ പാക്വറ്റിനും ഡുവലിനും കൂടുതൽ വ്യക്തമായ ഒരു നിഗമനത്തിൽ എത്താൻ സാധിക്കാതെ വരുന്നു. അങ്ങനെയാണ് ഹ്യൂഗോ തനിക്കു മുൻപരിചയവും വിശ്വാസവുമുള്ള ഏജന്റ് സ്കോട്ടിന് ഈ കേസ് കൈകാര്യം ചെയ്യാൻ ഏൽപ്പിക്കുന്നത്.
പുതിയതായി ഒരു കുറ്റകൃത്യം കൂടി സിറ്റിയിൽ അതേ മാതൃകയിൽ നടക്കുമ്പോൾ, അവർക്ക് ഇത്തവണ സാക്ഷിയെയും കിട്ടുന്നുണ്ട്.അയാളുടെ മൊഴികളനുസരിച്ച് അന്വേഷണം സമഗ്രമായി മുന്നേറുന്നതിനിടയിൽ, ഒരു ചെറിയ ക്യാറ്റ് ആൻഡ് മൗസ് ചേയ്സും ട്വിസ്റ്റുകളും കടന്നുവരുന്നുണ്ട്. ബുദ്ധിപൂർവമായി കൊലയാളിയെ പിന്തുടരുന്നതിനിടയിലും, ചില പാളിച്ചകൾ ആ സംഘങ്ങൾക്ക് വെല്ലുവിളിയാകുന്നു. പക്ഷെ ആ കനത്ത തിരിച്ചടികൾക്കു മറുപടിയെന്നോണം, വളരെ വലിയൊരു സർപ്രൈസ് തന്നെയാണ് അവസാനം പ്രേക്ഷകർക്കായി ഒരുക്കിയിരിക്കുന്നത്.