The Jungle Book
ദി ജംഗിൾ ബുക്ക് (2016)

റുഡ്യാർഡ് കിപ്ലിങിന്റെ ലോക പ്രശസ്തമായ ബാലസാഹിത്ര കൃതി, “ജംഗിൾ ബുക്ക്”നെ ആസ്പദമാക്കി, ഡിസ്നി പിക്ചേഴ്സ് നിർമിച്ച് പുറത്തിറങ്ങിയ ചിത്രമാണ് ജംഗിൾ ബുക്ക്(2016). ചെന്നായ്ക്കൂട്ടത്തിൽ വളർന്ന മനുഷ്യ ബാലൻ മൗഗ്ലിയുടെ കഥ ലോകമെമ്പാടുമുള്ള കുട്ടികളെ വളരേ വിസ്മയിപ്പിച്ച ഒന്നായിരുന്നു. 2016ലെ ഈ ലൈവ്-ആക്ഷൻ/CGI സിനിമ കുട്ടികളെയും മുതിർന്നവരേയും ഒരുപോലെ രസിപ്പിക്കാൻ പ്രാപ്തിയുള്ളതായിരുന്നു. മൗഗ്ലിയായി ഇന്ത്യൻ വംശജനായ നീൽ സേതി അഭിനയിച്ചപ്പോൾ, ശബ്ദം കൊണ്ട് കാണികളെ വിസ്മയിപ്പിച്ച്, സ്കെയർലെറ്റ് ജൊഹാൻസൻ, ബിൽ മുറേ, ബെൻ കിംഗ്സ്ലി തുടങ്ങി ഒരു വമ്പൻ താരനിര തന്നെ പിന്നണിയിലുണ്ടായിരുന്നു.