Warcraft
വാർക്രാഫ്റ്റ് (2016)

വാർക്രാഫ്റ്റ് എന്ന പ്രശസ്ത ഗെയിമിനെ അടിസ്ഥാനമാക്കി ഡങ്കൻ ജോൺസ് സംവിധാനം ചെയ്ത് 2016-ൽ പുറത്തിറങ്ങിയ ആക്ഷൻ ഫാന്റസി ചിത്രമാണ് വാർക്രാഫ്റ്റ്.
   ഒരു മാന്ത്രിക കവാടത്തിലൂടെ ഓർക്കുകൾ എന്നു വിളിക്കപ്പെടുന്ന ഒരുസംഘം ഭീകരരൂപികൾ മനുഷ്യരുടെ ലോകം ആക്രമിക്കാൻ വരുന്നതും അത് തടയുവാനും അതിജീവിക്കുവാനും വേണ്ടി ആ രാജ്യത്തിലെ രാജാവും സൈന്യവും ഇറങ്ങിത്തിരിക്കുന്നതുമാണ് കഥയുടെ ഉള്ളടക്കം. വൈകിങ്‌സ് എന്ന ടി.വി. സീരിസിൽ റാഗ്നാർ ലോത്ത്ബ്രോക്ക് എന്ന കഥാപാത്രത്തെ അവതരിപ്പിച്ച ട്രാവിസ് ഫിമ്മൽ ചിത്രത്തിൽ ഒരു പ്രധാന വേഷം കൈകാര്യം ചെയ്യുന്നു.
   വിഷ്വൽ എഫക്ടുകൾ മികച്ച രീതിയിൽ ഉപയോഗിച്ചിട്ടുള്ള ഈ ചിത്രത്തിലെ യുദ്ധരംഗങ്ങളും സാഹസികതകളും പ്രായഭേദമെന്യേ പ്രേക്ഷകർക്ക് ഒരു മികച്ച ദൃശ്യവിരുന്നാകുമെന്നതിൽ സംശയമില്ല.