Gullak Season 3
ഗുല്ലക് സീസൺ 3 (2022)

ഉത്തരേന്ത്യയിലെ ഒരു ഇടത്തരം കുടുംബത്തിന്റെ കഥ പറയുന്ന, സോണി ലിവിലൂടെ പുറത്തിറങ്ങിയ മിനി സീരീസാണ് ‘ഗുല്ലക്’.

വൈദ്യുതി വിഭാഗത്തിൽ ക്ലർക്കായ സന്തോഷ് മിശ്രയും ഭാര്യയും രണ്ടു ആൺമക്കളുമടങ്ങുന്ന കുടുംബത്തിൽ ഉണ്ടാകുന്ന കൊച്ചു കൊച്ചു പിണക്കങ്ങളും ഇണക്കങ്ങളും, അവരും അയൽക്കാരും തമ്മിലുള്ള അസൂയകൊണ്ടുള്ള നിർദ്ദോഷമായ മത്സരങ്ങളും നർമ്മത്തിന്റെ മേമ്പൊടിയോടെ അവതരിപ്പിച്ചിരിക്കുന്നു.

ഉത്തരേന്ത്യയിലെ പ്രസിദ്ധമായ കിസ്സകളിലൂടെ (വാമൊഴിയായി പറയുന്ന കഥകൾ) വികസിക്കുന്ന ഈ സീരീസ് നർമ്മം നിറച്ച ഒരു കുടുക്ക(ഗുല്ലക്) പോലെ ആസ്വാദ്യകരമായിരിക്കും. മൂന്നാം സീസണിലേക്ക് എത്തുമ്പോൾ മിശ്ര കുടുംബത്തിൽ കാര്യമായി മാറ്റങ്ങളൊന്നും സംഭവിച്ചിട്ടില്ല. പിന്നെ ഒന്നുണ്ട്, കുറച്ച് കിസ്സകൾ. ഓർമ്മിയിരിക്കട്ടെ കഥകളല്ല, കിസ്സകൾ!