എം-സോണ്‍ റിലീസ് – 2536
| ഭാഷ | ഹിന്ദി | |
| സംവിധാനം | Subhash Kapoor | |
| പരിഭാഷ | പ്രശാന്ത് ശ്രീമംഗലം | |
| ജോണർ | കോമഡി, ഡ്രാമ |
സുഭാഷ് കപൂറിന്റെ സംവിധാനത്തിൽ 2017ൽ പുറത്തിറങ്ങിയ അക്ഷയ് കുമാർ ചിത്രമാണ് ജോളി LLB 2.
റിസ്‌വി സാറിന്റെ ജൂനിയറായ, അല്പസ്വല്പം തരികിടകൾ ഒക്കെ കയ്യിലുള്ള അഡ്വക്കേറ്റ് ജോളിയെയാണ് അക്ഷയ് കുമാർ ഈ ചിത്രത്തിൽ അവതരിപ്പിക്കുന്നത്. സ്വന്തമായി ഓഫീസ് തുടങ്ങാൻ ഒപ്പിക്കുന്ന ഒരു ചെറിയ തരികിട, തന്റെ ജീവിതം തന്നെ മാറ്റിമറിക്കുന്നതാകുമെന്ന് ജോളി സ്വപ്നത്തിൽ പോലും കരുതിയിരുന്നില്ല.
കുടുംബ ബന്ധങ്ങളുടെ ഇഴയടുപ്പങ്ങൾ അവതരിപ്പിക്കുന്നതിനോടൊപ്പം നിയമ വ്യവസ്ഥയുടെ മേൽ നർമ്മത്തിൽ പൊതിഞ്ഞ കൂരമ്പുകളും പതിപ്പിക്കുന്നുണ്ട് ഈ ചലച്ചിത്രം.
നിയമ വ്യവസ്ഥയുടെ പച്ചയായ യാഥാർഥ്യങ്ങൾ ജനാധിപത്യ വിശ്വാസികളെ ഭയപ്പെടുത്താതിരിക്കില്ല.
അക്ഷയ് കുമാറിന്റെ പകരം വയ്ക്കാനില്ലാത്ത നർമ്മരംഗങ്ങളും, ചടുലമായ കോടതി രംഗങ്ങളും, ട്വിസ്റ്റുകളും ആവോളമുള്ള ഈ ചിത്രം ഇതിന്റെ ഒന്നാം ഭാഗമായ ജോളി എൽ.എൽ.ബി.യെക്കാൾ മികച്ചുനിൽക്കുന്നു.