എം-സോണ്‍ റിലീസ് – 1416
ഹിന്ദി ഹഫ്ത – 9
| ഭാഷ | ഹിന്ദി |
| സംവിധാനം | Rakesh Roshan |
| പരിഭാഷ | ജംഷീദ് ആലങ്ങാടൻ |
| ജോണർ | ആക്ഷൻ, ഡ്രാമ, മ്യൂസിക്കൽ |
1997 ൽ രാകേഷ് റോഷൻ കഥ എഴുതി സംവിധാനം ചെയ്തു പുറത്തിറങ്ങിയ ഒരു ഹിന്ദി ആക്ഷൻ ത്രില്ലർ ചിത്രമാണ് കൊയ്‌ല. ഷാരൂഖ് ഖാൻ, മാധുരി ദീക്ഷിത്, അമൃഷ് പുരി എന്നിവർ അഭിനയിച്ചിരിക്കുന്നു. 1997 ഏപ്രിൽ 18 ന് പുറത്തിറങ്ങിയ ഈ ചിത്രം 11.90 കോടി ബഡ്ജറ്റിൽ നിന്ന് ലോകമെമ്പാടും 28.5 കോടി രൂപ നേടി ബോക്സ് ഓഫീസ് വിജയമായി. പ്രേക്ഷകരും നിരൂപകരും ഖാന്റെ ആക്ഷൻ സീക്വൻസുകളെ പ്രശംസിച്ചു, 1997 ൽ ഇന്ത്യയിലെ എട്ടാമത്തെ ഏറ്റവും മികച്ച ചിത്രമായി ഇത് മാറി.
ഗൗരി ഒരു നിഷ്കളങ്കയായ ഗ്രാമീണ പെൺകൊടിയാണ്. ഗ്രാമത്തെ അടക്കി വാഴുന്ന രാജാസാബ് എന്ന് വിളിപ്പേരുള്ള ഒരു ജന്മി അവളെ കണ്ട് മോഹിക്കുന്നു, അവളെ വിവാഹം കഴിക്കാനാഗ്രഹിക്കുന്നു. തന്റെ പ്രായവും രൂപവും കാരണം ഗൗരി ഒരിക്കലും ഈ വിവാഹത്തിന് സമ്മതിക്കില്ല എന്നറിയാവുന്ന രാജാസാബ്, തന്റെ ഊമയും, കാണാൻ കൊള്ളാവുന്നവനുമായ തന്റെ ഭൃത്യന്റെ ഫോട്ടോ കാണിച്ച്, ചതിയിലൂടെ ഗൗരിയെ വിവാഹം കഴിക്കുന്നു. പിന്നീടവിടെ നടന്നത് ഒരു ചോരക്കളിയാണ്.