Letters from Iwo Jima
ലെറ്റേഴ്സ് ഫ്രം ഈവോ ജീമ (2006)

ക്ലിൻ്റ് ഈസ്റ്റ്വുഡും സ്റ്റീവൻ സ്പീൽബെർഗും ചേർന്ന് നിർമിച്ച്, ക്ലിൻ്റ് ഈസ്റ്റ്വുഡ് സംവിധാനം ചെയ്ത സിനിമയാണ് ലെറ്റേഴ്സ് ഫ്രം ഈവോ ജീമ.

രണ്ടാം ലോകയുദ്ധകാലത്ത്  ഈവോ ജീമ ദ്വീപിൽ അമേരിക്കയും ജപ്പാനും തമ്മിൽ നടന്ന യുദ്ധമാണ് പശ്ചാത്തലം. അമേരിക്കൻ പട്ടാളത്തിൻ്റെ ആക്രമണത്തെ നേരിടാൻ ദ്വീപിൽ ജപ്പാൻ സേന തയ്യാറെടുക്കുകയാണ്. മലനിരകളിൽ വലിയ ഗുഹകളും തുരങ്കങ്ങളും കുഴിച്ച് ഒരു കോട്ട നിർമിക്കുകയാണ് ജപ്പാൻ പട്ടാളം. യുദ്ധത്തിൽ തങ്ങളെ സഹായിക്കേണ്ട സംയുക്ത നാവികപ്പട മറ്റൊരു പോരാട്ടത്തിൽ തകർന്നതായി ഈവോ ജീമയിലെ ജപ്പാൻ സൈന്യം മനസ്സിലാക്കുന്നു. ദ്വീപ് ഒറ്റപ്പെട്ടു. മരണം ഉറപ്പായ അന്തിമ പോരാട്ടത്തിന് അവർ തയ്യാറെടുക്കുന്നു.