എംസോൺ റിലീസ് – 3255
| ഭാഷ | ജാപ്പനീസ് |
| സംവിധാനം | Shinzô Katayama |
| പരിഭാഷ | വിഷ്ണു ഷാജി |
| ജോണർ | ക്രൈം, ഡ്രാമ, മിസ്റ്ററി |
ഭാര്യയുടെ മരണത്തെത്തുടർന്ന് വിഷാദത്തിലേക്കും കടത്തിലേക്കും മുങ്ങിയ സതോഷിയെ ഒരു ദിവസം പുലർച്ചെ മുതൽ കാണാതാകുന്നു. അദ്ദേഹത്തെ അന്വേഷിച്ചിറങ്ങിയ മകൾ അവസാനം ചെന്നെത്തുന്നത് പോലീസ് അന്വേഷിക്കുന്ന സീരിയൽ കില്ലറുടെ അടുത്താണ്. സ്ഥിരം സീരിയൽ കില്ലിംഗ് ചിത്രങ്ങളിൽ നിന്നും വ്യത്യസ്തമായ കഥയാണ് ഈ ജാപ്പനീസ് ചിത്രം സ്വീകരിച്ചിരിക്കുന്നത്. അതു തന്നെയാണ് ഈ ചിത്രത്തിന്റെ വിജയവും. ചടുലമായ തിരക്കഥ സമ്മാനിക്കുന്ന അപ്രതീക്ഷിതമായ വഴിത്തിരിവുകൾ മനുഷ്യവികാരത്തിന്റെ ആഴങ്ങളിലേക്കാണ് നമ്മളെ കൂട്ടിക്കൊണ്ട് പോകുന്നത്. ജാപ്പനീസ് ത്രില്ലർ പ്രേമികൾ നിർബന്ധമായും കണ്ടിരിക്കേണ്ട ക്രൈം ത്രില്ലർ ഡ്രാമ ചിത്രം കൂടിയാണിത്.
വയലൻസും ന്യൂഡിറ്റി ഉള്ളതിനാൽ പ്രായപൂർത്തിയായവർ മാത്രം കാണുക.