The Face of Another
ദി ഫേസ് ഓഫ് അനദർ (1966)

മുഖത്ത് ഗുരുതരമായി പൊള്ളലേറ്റ ഒരാൾ. അപകർഷബോധം കാരണം
അയാൾ വീട്ടിലടച്ചിരിക്കുന്നു, പുറത്തിറങ്ങാൻ ഭയക്കുന്നു, തന്നെ അവഗണിക്കുന്നവരെ വെറുക്കുന്നു,

സമൂഹത്തിൽ നിന്ന് ഒളിച്ചോടുന്നു. പക്ഷേ അയാൾക്ക് ഒരു
പുതിയ മുഖവും വ്യക്തിത്വവും ലഭിച്ചാലോ?

1966-ൽ ഹിരോഷി തഷിഗഹാരയുടെ സംവിധാനത്തിൽ
പുറത്തിറങ്ങിയ സയൻസ് ഫിക്ഷൻ ത്രില്ലറായ ‘ദി ഫെയ്സ് ഓഫ് അനദർ’
പറയുന്നത് ആ കഥയാണ്. മറ്റൊരാളുടെ മുഖം ഒരു മനുഷ്യന് നൽകുന്ന
സ്വാതന്ത്ര്യം അയാളെ എങ്ങനെ മാറ്റിമറിക്കുന്നുവെന്നുള്ള പരിശോധന കൂടിയാണ് ഈ ചിത്രം.

ഡാർക്ക് ഷേഡുള്ള ഒരുപാട് കഥാപാത്രങ്ങളിലൂടെ ചിത്രം സഞ്ചരിക്കുന്നു.
എക്കാലത്തെയും മികച്ച ജാപ്പനീസ് നടന്മാരിലൊരാളായ ടറ്റ്സൂയ നകഡായ് ആണ് ചിത്രത്തിലെ പ്രധാന കഥാപാത്രത്തെ അവതരിപ്പിക്കുന്നത്.
റോട്ടൻ ടൊമാറ്റോസിൽ 100-ൽ 100 ആണ് ചിത്രത്തിന്റെ റേറ്റിംഗ്.