Ba:Bo
ബാ:ബോ (2008)

ജി-ഹോ ഒരു കഴിവുള്ള പിയാനോ വായനക്കാരിയാണ്. പിയാനോ പഠനത്തിനായി അവൾ കുറേ കാലം വിദേശത്തായിരുന്നു. പക്ഷെ സഭാകമ്പം മൂലം അവൾക്ക് തന്റെ പഠനം പൂർത്തിയാക്കാൻ കഴിഞ്ഞില്ല, അങ്ങനെയിരിക്കെ അവൾ നാട്ടിൽ തിരിച്ചെത്തുന്നു. അവിടെ വച്ച് അവൾ തന്റെ പഴയ കൂട്ടുകാരനായ സൂൺ-റയോങ്ങിനെ കണ്ടുമുട്ടുന്നു. അവന് 20 വയസ്സ് പ്രായം ഉണ്ടെങ്കിലും ഒരു അപകടം മൂലം 6 വയസ്സിന്റെ ബുദ്ധിവളർച്ചയെ ഉണ്ടായിരുന്നുള്ളൂ. സൂൺ-റയോങ്ങിന് സ്വന്തം എന്ന് പറയാൻ അവന്റെ അനിയത്തി ജീ-ഇന്ന് മാത്രമേ ഉള്ളൂ. റൊട്ടി വില്പനയിലൂടെയാണ് അവർ ജീവിക്കുന്നത്. അങ്ങനെ ഇരിക്കെ ജീ-ഇന്ന്നു അസുഖം വരികയും, അവന്റെ മറ്റൊരു കൂട്ടുകാരനായ സാങ്ങ്-സൂ ഗുണ്ടകളുടെ കെണിയിൽ പെടുകയും ചെയ്യുന്നു. ഇവരുടെ ഒക്കെ രക്ഷകനായി മാറുകയാണ് സൂൺ -റയോങ്ങ്.