എം-സോണ്‍ റിലീസ് – 975
| ഭാഷ | കൊറിയൻ |
| സംവിധാനം | Jang-Hoon Lee |
| പരിഭാഷ | ഷെഹീർ |
| ജോണർ | ഡ്രാമ, ഫാന്റസി, റൊമാൻസ് |
2004 ൽ ഇതേ പേരിൽ പുറത്തിറങ്ങിയ ജാപ്പനീസ് ചിത്രത്തിന്റെ ഒഫിഷ്യൽ റീമെക്ക് ആണ് ഈ മനോഹര ചിത്രം.
ഭാര്യ മരിച്ചതിനു ശേഷം woo jin വളരെ ബുദ്ധിമുട്ടിയാണ് തന്റെ മകൻ ji ho യെ വളർത്തിയിരുന്നത്. മരിക്കുന്നതിന് മുമ്പ് ‘അമ്മ ji ho ക്ക് കൊടുത്ത ഒരു വാക്ക് ഉണ്ട്. ഒരു വർഷം കഴിഞ്ഞ് വരുന്ന മഴക്കാലത്തെ ആദ്യ മഴ ദിവസം ‘അമ്മ നിന്നെ കാണാൻ വന്നിരിക്കും. അമ്മയുടെ വാക്കുകൾ സത്യമാണെന്ന് അവന്റെ ആ കൊച്ചു മനസ്സ് വിശ്വസിച്ചു. എന്നും രാവിലെ എഴുന്നേറ്റാൽ അവൻ ആദ്യം ചെയ്യുന്ന കാര്യം tv on ചെയ്ത് ന്യൂസ് ചാനലിൽ അന്നേ ദിവസത്തെ കാലാവസ്‌ഥ പ്രവചനം കാണുകയാണ്. ഈ വർഷം മഴക്കാലം എപ്പോ ആരംഭിക്കും എത്ര നാൾ നീണ്ടു നിൽക്കും ഇതൊക്കെ അറിയാൻ അവന് വലിയ ആകാംക്ഷയാണെന്നും.
രണ്ടാഴ്ചക്കുള്ളിൽ ഏതു സമയവും മഴ പെയ്യാൻ സാധ്യതയുണ്ടെന്ന് ഒരു ദിവസം tv ന്യൂസ് വരുന്നു. അത് കണ്ടു ji hoക്ക് സന്തോഷമായി ‘അമ്മ അവനെ കാണാൻ വരുന്നു. മഴയുള്ള ദിവസത്തിനായി അവൻ കാത്തിരിക്കുന്നു. അടുത്ത ദിവസം വെളിപ്പിന് നല്ല മഴയായിരുന്നു. അത് കണ്ട് അവൻ കിടക്കപ്പായയിൽ നിന്നെഴുനേറ്റ് അമ്മയെ കാണാൻ പുറത്തേക്കോടി. തുടർന്നു ആ കൊച്ചു ബാലന്റെയും അവന്റെ അച്ഛന്റെയും ജീവിതത്തിൽ നടക്കുന്ന മനോഹരമായ ആ അത്ഭുതപ്പെടുത്തുന്ന ഇമോഷണൽ ഫാന്റസി സ്റ്റോറി കണ്ടു തന്നെ അറിയുക.
വ്യത്യസ്തതയാർന്ന അവതരണം. ഫാന്റസി ആണ് പറയുന്നതെങ്കിലും ലോജിക്കൽ ആയി ചിന്തിച്ചു കുഴപ്പിക്കാൻ പ്രേക്ഷന് സ്പേസ് നൽകാതെ അവസാനം വരെ പിടിച്ചിരിത്തുന്ന ചിത്രം
കടപ്പാട്: നവനീത് പിഷാരടി